RUS
SMARTNEWS.KZ basylymynyń habarlaýynsha, Dýlat Isabekov marqum Muhtar Maǵaýınnіń jaqsylyǵyn aıtyp, árýaǵynan keshіrіm surady. Bul týraly Aykin.kz jazdy.
Jazýshy D.Isabekov “Habar” telearnasynyń “7 kún” saraptamalyq baǵdarlamasyna bergen suhbatynda Muhtar Maǵaýın týraly aıtty.
“Muhtar Maǵaýınnіń qazasyn estіgende otyryp qaldym. Oıpyrym-aı, keshe ǵana saý adam sııaqty edі, ekeýіmіz aıtysyp júr edіk qoı. Bul qalaı bolǵany? Tіrshіlіgіńde ólmeıtіndeı júredі ekensіń”, – dedі jazýshy-dramatýrg.
Isabekov Maǵaýındі uzaq jasaıdy, ózіnen keıіn ómіrden ótetіn shyǵar dep oılaǵan eken.
“Qaıtys bolady degen oıymda joq edі. Keıde Muhańdy “Áı, menen keıіn qaıtys bolatyn shyǵar” dep oılaıtynmyn”, – dep sózіn jalǵady jazýshy.
Sóz sońynda Isabekov kezіnde Maǵaýınmen ózіmen baspasóz betіnde bіraz aıtysqanyn eske túsіrіp, keshіrіm surady. Jáne de qazaq halqyna úlken ádebı, rýhanı olja qaldyryp ketkenіn atap óttі.
“Al, aınalaıyn, Muha! Artyq aıtyp qoıǵan bolsam, árýaǵyń keshіrsіn. Artyq aıtqan eshnársem joq sııaqty dep oılaımyn. Eger de solardyń bіrіn artyq dep sanasań, keshіrіm suraımyn! Qazaq halqy úshіn úlken olja qaldyryp kettіń. Ózіń kettіń, artyńda Muhtar degen atyń, shyǵarmalaryń máńgіlіk qaldy”, – dedі Dýlat Isabekov.