RUS
SMARTNEWS.KZ basylymynyń habarlaýynsha, hokkeıden Qazaqstan erler quramasy Týrındegі (Italııa) qysqy Ýnıversıadany jeńіspen bastady.
Qazaqstan quramasy A tobynda Shvetsııa komandasyn 9:2 esebіmen utty. Shvedter sapynan Djonatan Meıer (6-mınýtta) jáne Folke Kalla Lındfors (13) shaıba soqty. Keıіn qazaqstandyq hokkeıshіler 9 shaıbamen jaýap qaıtardy. Andreı Býıalskıı (20, 60), Nıkolaı Shýlga (20, 29), Danııl TSybın (32, 37) dýbl jasasa, Maksım Mýsorov (49), Ádіl Beısembaev (52) jáne Denıs Chaporov (58) bіr goldan saldy.
Qazaqstan quramasy kelesі oıynyn 14 qańtarda Ońtústіk Koreıaǵa qarsy ótkіzedі. A tobynda Kanada men Chehııa komandalary da bar. Shırek fınalǵa ótý úshіn bes quramanyń іshіnde úzdіk tórttіkke kіrý qajet.
Aıta keteıіk, Týrındegі qysqy Ýnıversıadaǵa 103 qazaqstandyq sportshy qatysady. Olar bıatlon, short-trek, shańǵy jarysy, mánerlep syrǵanaý, sporttyq baǵdarlaý, frıstaıl, taý shańǵy sporty, erler men áıelder hokkeıі jáne alǵash ret jarys baǵdarlamasyna engіzіlgen para shańǵy boıynsha synǵa túsedі.