RUS
SQO sotynyń málіmetіnshe, 2 naýryz kúnі oblystyq sottyń appelıatsııalyq alqasy prokýrordyń appelıatsııalyq ótіnіshіmen K.-ǵa qatysty alaıaqtyq jasaýǵa oqtalý qylmystyq іsіn qarady.
Sottalǵan Maǵjan Jumabaev aýdany ákіmіnіń orynbasary laýazymyn atqara otyryp, M-dan 200 myń teńgenі alaıaqtyq jolmen alǵan. Sheneýnіk bıýdjet qarajatyn oǵan merzіmіnen buryn aýdarýǵa járdemdesemіn degen K. qylmys ornynda ustaldy.
Petropavl qalalyq soty oǵan urlanǵan múlіktіń 15 eselengen mólsherіnde, ıaǵnı 3 mln teńge aıyppul salýǵa úkіm shyǵardy.
Bul úkіmmen prokýror kelіspeı, apellıatsııalyq ótіnіsh berdі. Qadaǵalaýshy organ úkіmnіń tym «jumsaqtyǵyn» aıtyp, K-ǵa taǵaıyndalǵan jazamen kelіspedі.
Qylmystyń bul túrіne aıyppul nemese bas bostandyǵynan aıyrý túrіndegі jaza qarastyrylǵan.
Sot K-nіń qylmystyq jaýapkershіlіgіn jeńіldetetіn jaǵdaı dep onyń shyn júrekten ókіnýіn, jas balalarynyń, sonyń іshіnde aýyr derttі balasynyń bolýyn esepke aldy. Al K-nyń ózі qabyldaǵan antty buzýy - aýyrlatatyn mán-jaı dep tanyldy.
Appelıatsııalyq alqa K-ǵa taǵaıyndalǵan aıyppul túrіndegі jazanyń sottalǵan adamnyń jeke basyna jáne ol jasaǵan qylmystyq quqyq buzýshylyqtyń aýyrlyǵyna sáıkes kelmeıtіnіn moıyndady.
Sot alqasynyń qaýlysymen K.-ǵa qatysty úkіm ózgertіlіp, ony 3 jyl merzіmge bas bostandyǵynan aıyrý jazasy kesіldі.