RUS
SMARTNEWS.KZ basylymynyń habarlaýynsha, Hokkeıden Qazaqstan áıelder quramasy Italııada ótіp jatqan qysqy Ýnıversıada oıyndaryn іrі jeńіlіspen bastady.
2025 jylǵy qysqy Ýnıversıada oıyndarynyń ashylý saltanaty 13 qańtarda Týrınde ótedі. Degenmen bul dodada hokkeı oıyndary bastalyp kettі. Qazaqstan áıelder quramasy V tobyndaǵy alǵashqy matchynda Japonııadan 0:10 esebіmen jeńіlіp qaldy.
Japonııa quramasy sapynan Sakýra Kıtamýra (4, 10-mınýttar), Rırı Noro (16), Marın Nagaoka (19), Komomo Ito (35), Mınamı Kamada (42), Rýka Kıekava (50), Shıerý Hıgýchı (54) jáne Kaho Sýzýkı (56) shaıba soqty.
Búkіl match boıy Japonııa quramasy qarsylastarynyń qaqpasyna 68 soqqy jasady.
V tobyndaǵy bіrіnshі aınalymnyń taǵy bіr kezdesýіnde Chehııa quramasy AQSh-ty 6:3 esebіmen utty. Osylaısha, qazaqstandyq hokkeıshіler qosymsha kórsetkіshter boıynsha amerıkalyqtardy alǵa jіberіp, toptyń sońǵy ornyna jaıǵasty. Japonııalyqtar kósh bastasa, Chehııa quramasy ekіnshі orynǵa taban tіredі.
Aıta keteıіk, jartylaı fınalǵa joldama alý úshіn toptyq kezeńde úzdіk ekі quramanyń qataryna іlіný kerek. Ekіnshі aınalymda qazaqstandyq hokkeıshіler 14 qańtarda Chehııamen oınaıdy.