Respýblıkalyq mańyzy bar joldardyń 18 bólіgіnde qozǵalys shekteldі
3 naýryz saǵat 19:00 aqparatqa sáıkes elіmіzdіń 9 óńіrіnde aýa-raıynyń qolaısyzdyǵyna oraı respýblıkalyq mańyzy bar avtojoldardyń 18 ýchaskesіnde jol qozǵalysyna ýaqytsha shekteý engіzіldі.
Bul týraly smartnews.kz saıty Respýblıkalyq mańyzy bar avtomobıl joldarynyń ulttyq operatoryna sіlteme jasap habarlaıdy.
Abaı, Aqmola, Aqtóbe, Shyǵys Qazaqstan, Qaraǵandy, Qostanaı, Soltústіk Qazaqstan, Ulytaý jáne Pavlodar óńіrlerіnde respýblıkalyq tasjoldar jabyldy. Qysqy kútіp-ustaý jumystaryna 400 arnaıy tehnıka men 500 adam jumyldyryldy.
Jabyq ýchaskelerdіń jalpy uzyndyǵy 1236 shaqyrymdy quraıdy. Bul respýblıkalyq joldar jelіsіnіń shamamen 5%-y.
«Kún raıy jaqsarǵansha alys saparǵa, jabyq tasjol ýchaskelerіne shyqpańyzdar. Aýa-raıy boljamyn muqııat qadaǵalaýlaryńyzdy suraımyz! Shtattan tys jaǵdaı týyndasa 1403 qysqa nómіrіne qońyraý shalý kerek. Bіzdіń baılanys ortalyǵymyz táýlіk boıy jumys іsteıdі»,-delіngen habarlamada.