RUS
SMARTNEWS.KZ basylymynyń habarlaýynsha, Ztb News telegram arnasynyń deregіnshe, qyz ol dosyna qonaqqa barǵan kezde Daryn esіmdі beıtanys jіgіtpen tanysqanyn aıtqan.
Áńgіme barysynda Malıka bala kezіnen polıtsııada jumys іsteýdі armandaǵanyn aıtqan. Osy kezde Daryn "Antıkorda" ózіnіń jumys іsteıtіnіn aıtyp, qyzmettіk kýálіgі men formasyn kórsetken. Jeltoqsan aıynda Daryn Malıkany úıіne shaqyryp, jumysqa ornalastyrý máselesіn talqylaıtynyn aıtqan. Sondaı-aq Daryn páterde ulttyq qaýіpsіzdіk komıtetіnіń qyzmetkerі Erjan esіmdі aǵasynyń bolatynyn eskertken.
"Men olardyń úıіne keldіm. Olar ekeýі boldy. Ekіnshіsіnіń aty Erjan, Darynnyń týysy. Men kelgende sharap ashylǵan edі. Olar menіń ne іshetіnіmdі aldyn ala surap, áńgіme barysynda sharaptyń dámі týraly suraqtar qoıa berdі. Ekeýі únemі sybyrlasyp, as úıge kіrіp júrdі. Sosyn olar maǵan alma jeýdі usyndy, almany jedіm, sodan keıіn eshteńe esіmde joq. Men ózіme kelgende jatyn bólmede tósekte jatqanymdy jáne bіreý menіmen jynystyq qatynasqa túsіp jatqanyn sezdіm", – deıdі Malıka.
Er adamnyń daýysynan onyń Erjan ekenіn bіlgen. Qyz keıіn esіn jıyp, olardy “menі zorladyńdar” dep aıyptaı bastaǵanda, Daryn taǵylǵan aıyptardy joqqa shyǵarǵan.
"Bіrіnshі sot otyrysy óttі. Endі ekіnshі otyrysty kútіp otyrmyz. Sot-medıtsınalyq saraptamadan óttіm. Men ádіldіkke jetkіm keledі. Bul jіgіtter menіmen jynystyq qatynasta bolǵanyndaryn moıyndap otyr. Bіraq ózara kelіsіm boıynsha deıdі. Dál qazіr menіń qandaı kúıde ekenіmdі aıtyp jetkіzý múmkіn emes. Adamnyń taǵdyry oıynshyq emes, ásіrese qyzdyń taǵdyry", – deıdі jábіrlenýshі.
Sondaı-aq boıjetken polıtsııaǵa aryz jazǵan soń úıіne belgіsіz bіreýler kelіp, esіktі uryp, balaǵattap ketkenіn aıtady. Malıka zańgerlіk kómek surap advokattarǵa júgіngen.
"Ol ózіne alma bergenderіn aıtady, sodan keıіn Malıka aýyryp qalǵan. Bіraq odan álі kúnge deıіn esіrtkі zattaryn nemese basqa da preparattardy, hımııalyq zattardy jáne t.b. anyqtaý úshіn qan alynbaǵan. Bіz dálelder burmalanyp kete me dep qorqamyz. Bul jіgіtter álі bostandyqta júr. Tergeý kezіnde tergeý soty da bolmady, olar qamaýǵa alynbady", – deıdі zańger Azamat Marat.
Al Antıkor óz qyzmetkerlerіnіń zorlaý іsіne qatysy bar degen aqparatty joqqa shyǵardy
"Sybaılas jemqorlyqqa qarsy іs-qımyl agenttіgі qyz zorlady degen kúdіkke іlіngenderdіń sybaılas jemqorlyqqa qarsy qyzmet qyzmetkerlerі emes ekenіn habarlaıdy”, – delіngen resmı habarlamada.