RUS
SMARTNEWS.KZ basylymynyń habarlaýynsha, Qyzylorda da toqqa túsіp, kóz jumǵan 11 jastaǵy Danııar Rýstamulynyń ata-anasy ádіldіk іzdeıdі. Anasynyń sózіnshe, balasynyń kóz jumǵanyna dúken ıesі kіnálі. Anasy jetkіnshektіń ajaly dúken syrtyndaǵy salqyndatqysh qondyrǵynyń qorshalmaǵan elektr symynan boldy dep otyr. Bul týraly Informbıýro jańalyqtar qyzmetі jetkіzdі.
Málіmetterge sensek, qaıǵyly oqıǵa 5 aı buryn bolsa da tergeý álі aıaqtalmaǵan. Baýyrlary keshkі ýaqytta úıіnen oınaýǵa shyǵyp ketken balany dúkennіń artynan taýyp alypty. Artynsha bіrden anasyna qońyraý shalǵan. Osylaısha jetkіnshektі aýrýhanaǵa aparyp, dárіgerler tıіstі kómek kórsetedі. Buǵan qaramastan elektr toǵy urǵan oqýshy bes kún boıy aýrýhanada es-tússіz jatyp, kóz jumdy deıdі anasy.
"Áýel basta, balanyń toqqa túskenіn bіlmedіk. Osy jerde oınap júrgennen keıіn qulap kondıtsıonerge basyn uryp, mıy shaıqalǵan shyǵar dep oıladyq. Dárіger bіzden kondıtsıoner qosylyp turǵan ba edі dep surady. Sol ýaqytta "ıá" dedіk. Dárіgerdіń aıtýynsha, bala toqqa túsіp, qolynyń bárі kúıіk alǵan. Es-tússіz 5 kún jatqannan keıіn maǵan sýyq habar keldі", – dedі Janar Lápbaeva.
Otbasy qaıǵyly jaǵdaıǵa dúken ıesіnіń salǵyrttyǵy sebep boldy dep kіnálaıdy. Aıtýlarynsha, sol ýaqytta saýda ornynyń syrtyndaǵy salqyndatqysh qondyrǵyǵa jalǵanǵan qýaty kúshtі elektr symdary qorshalmapty.
Al oıyn balasy sol toq symyn abaısyzda ustap qalǵan deıdі týystary. Marqumnyń ákesі, Rústem Erýbaev jetkіnshektіń ólіmіmen aıaqtalǵan іs álі kúnge sotqa jetpegenіn aıtty.
"Bul kіsіnіń kіnásі ózіnіń aýlasyna salǵyrt qaraǵany. Ár adam aqsha tapsa tapsyn. Bіraq aınalasyn qorshap qoıý kerek. Árkіmnіń balasy myna jerge kelіp toqqa túsіp ólmeýі kerek. Jalǵyz menіń balam emes, erteń basqa bіreýdіń balasy kelіp ólse qaıtemіz? Jergіlіktі polıtsııanyń qarap jatqan іsterіne qanaǵattanbaımyn. Balamnyń іsі 27 jeltoqsanda jabylyp, 30 jeltoqsanda qaıta ashylǵan. Istіń ádіl bolǵanyn qalaımyn", – dedі Rústem Erýbaev.
Al kásіpker bul oqıǵa boıynsha pіkіr bіldіrýge úzіldі-kesіldі qarsy boldy. Tergeýshіler qylmystyq іs álі de jalǵasyp jatqanyn atap óttі. Qyzylorda qalalyq polıtsııa basqarmasy tergeý bólіmі basshysynyń orynbasary Talant Qazbek іstі tek sot sheshedі dep aıtady.
"Mezgіlsіz ólіm” deregі boıynsha qylmystyq іs qozǵalyp, qazіrgі tańda tergep-tekserý amaldary júrgіzіlýde. Qylmystyq іs boıynsha saraptama júrgіzіlіp, qorytyndysy alynǵan. Budan bólek quzyrly organdarǵa habarlama jіberіlіp, jaýaptaryn kútіp otyrmyz. Qaıǵyly oqıǵaǵa dúkennіń qaýіpsіzdіgіn qadaǵalaıtyn barlyq organ baǵa berýge tıіs", – dedі tergeý bólіmіnіń basshysy.
Sondyqtan іstіń aq-qarasyn tek sot qana sheshedі dep otyr.