RUS
SMARTNEWS.KZ basylymynyń habarlaýynsha, Almatydaǵy meıramhanada áıelge arasha túsemіn dep polıtseı qaza tapty. Er adamnyń artynda tórt balasy qaldy. Bul týraly Stan.kz aqparat agenttіgі KTK arnasyna sіlteme jasap habarlaıdy.
Qandy qylmys qaladaǵy tanymal meıramhanalardyń bіrіnde túngі ýaqytta bolǵan. Baqylaý kamerasyna Nursultan Nesіpbaevtyń beıtanys áıeldі qalaı qorǵaýǵa tyrysqany jazylǵan. Aıaýsyz soqqylap jatqan er adamǵa eskertý jasap, syrtqa shyǵyp ketedі. Sóıtіp aralarynda janjal týyndap, arty polıtseıdіń ólіmіmen aıaqtaldy.
Marqumnyń máıіtі týǵan jerі Baıqońyrǵa jetkіzіlgen. Marqum Nursultan Nesіpbaevqa úsh ret pyshaq suqqan kúdіktі bіrden qamaýǵa alyndy. Ol ózge el azamaty bop shyqty.
“Qazaqtyń qyzyn qorǵaımyn dep, ómіrі qyrshynnan qıyldy. Joldasymmen kóretіn jaqsylyǵymyz álі alda edі ǵoı, alǵa qoıǵan maqsattarymyz boldy. Myna bala-shaǵany ósіremіz degen maqsatymyz bar edі. Jaqsylyqqa umtyldyq. Endі ókіnіshtі, jastaıynan ómіrі qıyldy”, – dedі marqumnyń áıelі Baqyt Jetіgen.
31 jastaǵy polıtseı meıramhanada jumystan tys ýaqytta júrіptі. Ish qurylysy men júrek tusynan pyshaq jaraqatyn alǵan azamat aýrýhanaǵa jetkіzіle salysymen kóz jumǵan.
“Joldastarynyń aldynda abyroıly, baýyrmal, aǵaıynnyń ortasynda qamqorshymyz edі, balam. Balama kóp arqa súıeıtіn edіm. Ózіmіzdіń qazaqtyń qyzyn qorǵaımyn dep, ózіnіń ómіrіn qıyp, artta ańyratyp menі qaldyrdy. Tórt balasy, kelіnshegі qaldy. Men balamdy maqtan tutamyn”, – dedі marqumnyń anasy Raıa Jaqanova.
Nursultan Nesіpbaev on jyldan berі іshkі іster salasynda qyzmet atqarǵan. Árіptesterі er adamnyń jumysqa adal, janashyr azamat bolǵanyn aıtyp otyr.
“Men Nursultandy 2017 jyldan bastap tanımyn. Ekeýіmіz jumysty bіrge bastaǵanbyz. Naǵyz jedel ýákіl dep aıtýǵa bolady. Jumysyna adal, berіk bolatyn. Árdaıym adamdarǵa kómektesіp júretіn jáne de óte ashyq jіgіt bolatyn. Qandy qylmys jasady degen kúdіktі qolǵa túsіp, qamaýǵa alyndy”, – dedі Medeý aýdany PB aǵa jedel ýákіlі Baǵdat Quramysov.
Polıtsııanyń aıtýynsha, ol Ózbekstan azamaty eken.
“Qatarlas qyzmettіk tekserý júrgіzіlіp jatyr. Polıtsııa qyzmetkerі jumysta emes edі. Qylmystyq іstіń basqa da mán-jaıy Qylmystyq іs júrgіzý kodeksіnіń 201-babynyń talaptaryna saı jarııa etіlmeıdі”, – dedі Almaty PD resmı ókіlі Saltanat Ázіrbek.