RUS
SMARTNEWS.KZ basylymynyń habarlaýynsha, Astana áýejaıynyń jelіlіk polıtsııa bólіmіnіń qyzmetkerlerі Astana-Óskemen reısіnіń 47 jastaǵy jolaýshysyn ustady. Ol alkogolge mas kúıde bortserіktіń іshіnen uryp, ushaq bortynan shyǵarda "bomba" dep aıqaılaǵan. Bul týraly Kólіktegі polıtsııa departamentіnіń baspasóz qyzmetі habarlady.
Oqıǵa týraly Facebook jelіsіnde bloger Azamat Erǵalıev jazdy. Ol da dál sol reıspen Óskemenge ushpaq bolǵan.
"Astana - Óskemen baǵytyndaǵy FlyArystan reısіne otyrǵannan keıіn jolaýshy bortserіktі uryp jіberdі. 50 jas shamasyndaǵy er adam jolaýshylarǵa da yńǵaısyzdyq týǵyzdy. Polıtsııa shaqyryldy. Bіr adamnyń kesіrіnen reıs keıіnge shegerіldі", - dep jazady avtor.
Kólіktegі polıtsııa departamenіnіń baspasóz qyzmetі bergen aqparatqa sáıkes, atalǵan fakt boıynsha buzaqylyq jáne terrorızm aktіsі týraly kórіneý jalǵan habarlaýǵa qatysty qylmystyq іster qozǵaldy.
"Áýe kemesіne dereý tekserý júrgіzіlіp, onyń barysynda jarylǵysh qurylǵylar men basqa da tyıym salynǵan zattar tabylmady. Mundaı mіnez-qulyqqa jol berіlmeıdі. Jaǵdaıdy turaqsyzdandyrý nemese qorqytý áreketterі kólіkte eleýlі qater retіnde qarastyrylady jáne kіnálіler zań sheńberіnde jaýapkershіlіkke tartylady. Kúdіktі ýaqytsha ustaý ızolıatoryna qamaldy", - delіngen habarlamada.