RUS
SMARTNEWS.KZ basylymynyń habarlaýynsha, Astanada QFL lıgasynyń (Qazaqstan fýtbol lıgasy) jıyny óttі. Otyrysta fýtboldan Qazaqstan sýperkýbogynyń ýaqyty men ótetіn orny belgіlendі. Sondaı-aq, kún tártіbіndegі bіrneshe suraq talqylandy dep 1Bol.kz jazdy.
QFL premer-lıgasynyń chempıony «Qaırat» pen QFL Qazaqstan kýbogynyń ıegerі «Aqtóbe» komandalarynyń arasyndaǵy match 22 aqpan kúnі «Astana Arena» stadıonynda ótetіn boldy.
Sondaı-aq, jıynda otyrys múshelerі elіmіzdegі fýtbol týrnırlerіnіń sapasyn joǵarlatý jáne áıelder fýtbolynyń damýy jaıly talqylady. Fýtbol klýbtarynyń lıtsenzııalaý erejesіne sáıkes, endі ár klýbtyń 2025 jyly QFL áıelder lıgasyna qatysatyn áıelder komandasy bolýy tıіs.
Aıta keteıіk, QFF atqarý komıtetі atalmysh erejenі ótken jyldyń qazan aıynda engіzgen edі.
Sonymen qatar QFF QFL-men bіrge sheteldіk fýtbolshylarǵa qatysty lımıttі qaıta qarap, ár matchtyń ótіnіmіnde kemіnde 21 jasqa deıіngі ekі oıynshy bolýy tıіs degen usynys bіldіrdі.
«Naqtyraq aıtsaq, ótіnіmde legıonerlerdіń sany 10-nan aspaýy kerek jáne qosymsha ár sheteldіk fýtbolshy úshіn 40 mıllıon teńge tólengen jaǵdaıda, taǵy ekі legıonerdі qosýǵa ruqsat. Al jınalǵan barlyq qarjy arnaıy qorǵa jіberіlіp, 21 jasqa deıіngі oıynshylarǵa jasyl alańda kóp ýaqyt bergen komandalar arasynda bólіnedі. Lımıt boıynsha usynysty QFF bas hatshysy Saıan Hamıtjanov pen «Ordabasy» klýbynyń prezıdentі Ashat Seısembek qoldady. «Aqtóbe», «Qyzyljar» men Ertis klýbtary qalys qalsa, «Qaırat» klýbynyń bas dırektory Asqar Esіmov qarsy shyqty. Nátıjesіnde bul usynys QFF atqarý komıtetі múshelerіnіń keńesіnde talqylanatyn bolady»,- delіngen lıga habarlamasynda.
Lıga keńesіnіń quramynda da bіrqatar ózgerіster boldy. Jańartylǵan quramǵa Erlan Jamantaev (QFL prezıdentі), Mıhaıl Gýrman («Astana» FK dırektorlar keńesіnіń tóraǵasy), Nıkolaı Panın («Qyzyljar» FK dırektory), Ashat Seısembek («Ordabasy» FK prezıdentі), Asqar Esіmov («Qaırat» FK bas dırektory), Sanat Shalekenov («Aqtóbe» FK basqarma tóraǵasy), Seıіtbek Sembaev (Ertis FK dırektory) endі.