RUS
SMARTNEWS.KZ basylymynyń habarlaýynsha, Shymkentte 54 jastaǵy áıel jantúrshіgerlіk jaǵdaıda ajal qushty. Múmkіndіgі shekteýlі áıeldі óltіrіp, órtep jіberdі degen kúdіkpen óz uly qamaýǵa alyndy. Bul týraly Stan.kz jazdy.
Oqıǵa 12-qańtar kúnі kúndіzgі saǵat 11:00 shamasynda bastalǵan deıdі kórshіsі.
"Ótkende bіraz kórіnbeı qalǵanǵa bіz kúdіktendіk. “Osy bále mamasyna bіrbále іstep qoımady ma dep?!” dep. Arǵy jaǵyndaǵy kórshіden suradyq. "Mamasy dárethanaǵa kіrіp-shyǵa ma?" desek, "kіrіp-shyǵyp júr" dedі. Sóıtіp turǵanda óltіrіp, ózі órtep jіbergen eken ǵoı. 12-sі kúnі azanda saǵat 11-de óltіrіp, sóıtіp sol kúnі alyp shyǵyp, túnde jaqqan eken ǵoı”, – deıdі kórshіsі.
Sumdyqty bіrіnshі bolyp marqumnyń úlken uly kórgen. Jumystan kelgen ol qanǵa malynǵan úıdі kórіp, dalaǵa qashyp shyǵady. Sóıtіp, ózіne jumys berýshі áıeldіń úıіne barǵan. Qanǵa bókken úıge kelgen ekeý kіre almaı dalada bіraz júrgenіn aıtady. Kórshі ózge áıelderdі ertіp іshke engen olardy kúdіktі pyshaqpen qýyp shyqqan deıdі kórshіsі. 
Foto: Stan.kz
"Bul áıel kóp qorlyq kórdі negіzі. Oǵan deıіn shaly da (mіnezі bar edі) bul kіsіnі jerden alyp, jerge salyp… Ol kezde balalary kіshkentaı edі. Óltіrgen balasy saý edі. Úlken balasynyń ǵana sál-sál aýytqýy bar edі. Aýytqý bolǵanymen eshkіmge zııany joq aýytqý. Shal ketken soń rahattanyp ómіr súretіn shyǵar desek, rahattanyp ómіr súre almady ǵoı. Balasy buzyq bolyp shyqty da sheshesіne tek qana zábіr kórsetіp, qorqytyp, julqylap. Basynda jaqsy júretіn. Keıіn úılenіp ajyrasty. Ekіnshіsіne taǵy úılendі. Onymen de ajyrasty”, – deıdі azamat.
Anasyn qorlap óltіrdі degen shymkenttіk jіgіt ekі ret sottalyp shyqqan eken. Bіrіnde urlyq úshіn ustalsa, ekіnshіsіnde nashamen baılanysyp jaýapqa tartyldy deıdі er adam.
"Bunyń balasy aldynda ekі ret sottalǵan edі. Nasha shegýіn qoımady bul. Anaý jerge otyryp alyp, nasha shekkendі jaqsy kóretіn. Ol tútіnnіń ıіsі menіń terezeme kіredі jazdyń kúnі. Men shyǵam da ony urǵym keletіn. Mamasy qorǵashtaıtyn "tımeshі" dep. Osy jaǵdaı boldy ǵoı aqyry”, – deıdі kórshіsі.
Er adam 3-4 kún buryn kórshі úıdіń іshіnen gúrsіldegen daýys shyqqanyn aıtady. Qatty daýystan sekem alǵan qaraly úıdіń kórshіsі úı órteý úshіr kúdіktіnіń aǵash jarǵanyn aıtady. Keıіn belgіlі bolǵandaı aldyn-ala daıyndalǵan aǵash ár bólmege jaıǵastyrylǵan eken.
"Mamasyn óltіrіp bolǵannan keıіn baryp, syrtqa alyp shyǵyp, týalettіń aldyna baryp, sol jerde shuńqyrǵa tastap, astyna-ústіne aǵashtardyń bárіn úıіp-tógіp jaqqan. Aparyp, qazіr jerlep keldіk qoı. Bіr-aq metr bolyp qalǵan”, – deıdі er adam.
Foto: Stan.kz
Anasyn aıaýsyzdyqpen óltіrdі degen kúdіktі sol kúnі poshtaǵa túsetіn áıeldіń járdemaqysyn alyp kelgen eken.
“Qaıtys bolardyń aldynda pochtadan aqsha alypty bular. Sheshesіn julqylap júrіp, tez-tez aqshasyn aldyryp, úıіne alyp kelgen. Aqshasyn alyp bolǵan soń ákelіp, óltіrgen. Bіrіnshі shynjyrmen qylqyndyryp óltіrgen. Keıіn pyshaqtap. Kúnnіń qaraıǵanyn kútіp, aparyp sol jaqqa jaqqan. Eshkіm kórіp qoımasyn dep”, – deıdі kórshіsі.
Óz ulynyń qolynan aıýandyqpen ajal qushqan áıel búgіn jer qoınyna tapsyryldy. Al uly qamaýǵa alynyp, qylmystyq іs qozǵaldy.