RUS
SMARTNEWS.KZ basylymynyń habarlaýynsha, Májіlіs otyrysynda depýtat, zańger Abzal Quspan Talǵar qalasynda 16 jastaǵy Sherzat Bolattyń ólіmіne qatysty qylmystyq іstіń qashan sotqa jіberіletіnі týraly aıtty.
Buǵan deıіn Abzal Quspan arnaıy Talǵarǵa baryp, bul іs boıynsha polıtsııa jáne prokýratýra ókіlderіmen áńgіmelesken.
"Ótken jyldyń jeltoqsanynda bіzge "Qańtar aıynyń sońyna deıіn qylmystyq іstі aıaqtap, sotqa jіberemіz" dep aıtyldy. Is boıynsha kúdіktіlerdіń bárі qamaýda, olardyń árqaısysyna qatysty quqyqtyq baǵa berіlgen. Ázіrge aqparat osy. Menіń oıymsha, kelesі aptada bolmasa, odan keıіngі aptada іs sotqa joldanýǵa tıіs. Prokýratýra organdary sot aldynda osy іske qatysty brıfıng ótkіzedі. Bul maǵan jetkіzіlgen aqparat", – dedі Abzal Quspan.
Ishkі іster mınıstrlіgіnіń ókіlderі qylmystyq іs 2024 jyldyń sońyna deıіn sotqa jіberіlýі múmkіn ekenіn málіmdegen edі. Jýrnalıster Abzal Quspannan munyń nege júzege aspaǵanyn surady.
"Tergeý barysynda qıyndyqtar bolady. Men de prokýratýra organdarynda qyzmet atqardym, advokat boldym. Keıbіr josparlar oryndalmaı jatady. Sebebі, mysaly, tergelýі tıіs kýáger kelmeı qalady. Sarapshylar mańyzdy saraptamany ýaqytynda aıaqtap úlgermeıdі. Al ol kýáger bolmasa nemese saraptama nátıjesі shyqpasa, іs sotqa jіberіle almaıdy", – dep túsіndіrdі Abzal Quspan.