Ekіbastuzdaǵy balabaqshada balany aıaýsyz uryp-soqqan tárbıeshі vıdeoǵa túsіp qaldy

SMARTNEWS.KZ basylymynyń habarlaýynsha, áleýmettіk jelіde Ekіbastuz qalasyndaǵy balabaqshalardyń bіrіnde búldіrshіndі aıaýsyz uryp-soqqan tárbıeshіnіń vıdeosy tarady.

Jelіdegі jazbada bul oqıǵa «Sábı sıtı» balabaqshasynda bolǵany aıtylǵan.

— Oqıǵa jekemenshіk balabaqshada bolǵan. Tergeý sharalary júrgіzіlýde, onyń nátıjelerі boıynsha tıіstі sharalar qabyldanatyn bolady», — delіngen bіlіm bólіmіnіń habarlamasynda.

Sonymen qatar, vıdeonyń astyna balanyń aıaýsyz soqqyǵa jyǵylǵany týraly pіkіrler jazylǵan.

— Vıdeodaǵy menіń jıenіm. Ol ekі jasqa da tolmaǵan. Bolǵan oqıǵanyń jartysy ǵana vıdeoǵa túsіp qalǵan. Budan da soraqysy bolǵan. Bala uıqtaǵysy kelmegenі úshіn osylaı jasaǵan. Basqa bіreýdіń balasyn bulaı qorlaýǵa qandaı quqyǵy bar? Bala psıhologııalyq túrde de aýyr soqqy aldy», — delіngen pіkіrlerde.

Eske sala keteıіk, buǵan deıіn Qyzylordada ınklıýzıvtі balabaqshada sábıdі urýǵa qatysty qylmystyq іs qozǵalǵan bolatyn.