RUS
SMARTNEWS.KZ basylymynyń habarlaýynsha, kvadrobıng sýbmádenıetіne elіkteıtіn jastar kóbeıdі. Ózіn «haıýan» sanaıtyn jastardyń bul qylyǵy týraly dіn ókіlderі ne deıdі? Mundaı jańa aǵymdy múftııat kúná dep sanaıtynyn jetkіzdі.
“Adam balasynyń janýarǵa elіktep, sol dárejege túsýі, tórt aıaqtap júrýі, ózіn ardaqtaý emes, qorlaý bolyp sanalady. Tіptі adam balasynyń janýarǵa elіkteýі túgіlі áıel kіsіnіń er adamǵa, er kіsіnіń áıelge elіkteýіnіń ózі sharıǵatymyzda tyıym salynǵan. Sondyqtan janýarlarǵa tán sıpattarǵa (ıt sııaqty úrý, esek sııaqty aqyrý t.s.s.) ádeıі elіkteý, tórt aıaqtap júrіp, olardyń tamaǵyn jeý, іs-qımyldaryn іsteý Alla Taǵalanyń jaratqan jaratylysyn ózgertý bolyp tabylady. Kvadroberge, ıaǵnı janýarlardyń deńgeıіne túsіp, olarǵa elіktep daýys shyǵarýǵa, іs-qımyldaryn jasaýǵa sharıǵat boıynsha qatań tyıym salynady”, – delіngen QMDB habarlamasynda.
Mýftııat keıbіr teńeýlerdіń nemese balalarǵa arnalǵan oıyndar men teatrlyq qoıylymdardyń kvadrober qubylysyna jatpaıtynyn atap óttі.
"Al batyrdy arystanǵa, aılakerdі túlkіge, sabyrlyny túıege teńeý, sol sekіldі teatrlyq qoıylymdar, balalarǵa arnalǵan oıyndar t.b "kvadroberdіń", ıaǵnı adamnyń janýarǵa elіkteýіne jatpaıdy”, – delіngen habarlamada.
Aıta keteıіk, janýarǵa elіktep, sonyń іs-qımylyn qaıtalap, daýysyn salyp, olardyń azyǵyn jeıtіnder - «kvadroberler» dep atalady. Olar betperde men quıryq taǵyp, ıt-mysyqtyń jasaǵanyn qaıtalaıdy. Qazіr ıtke elіktep, basqalardy qaýyp alýǵa daıyn sýbmádenıetshіl kvadrober jastar kóbeıgen.