RUS
SMARTNEWS.KZ basylymynyń habarlaýynsha, Amerıkalyq kınorejısser Devıd Lınch 78 jasynda qaıtys boldy. Bul týraly onyń týystary áleýmettіk jelіde habarlaǵan. Ótken jyly Lınch aýyryp júrgenіn aıtqan.
Amerıkalyq kınorejısser Devıd Lınch 78 jasynda qaıtys boldy. Lınchtіń ólіmі týraly aqparat onyń Facebook paraqshasynda jarııalanǵan.
"Talantty jan Devıd Lınchtіń qaıtys bolǵanyn qaıǵyra habarlaımyz. Qazіr ol aramyzda joq. Sol sebeptі ortamyz úńіreıіp qalǵandaı kúıdemіz", - delіngen postta.
The Variety basylymynyń málіmetіnshe, 2024 jyly Lınch ómіr boıy temekі shekkennіń saldarynan emfızema aýrýyna shaldyqqanyn, árі budan bylaı úıden shyǵa almaıtyny, rejısserlіkpen aınalysa almaıtyny týraly habarlanǵan edі.
Aıta keteıіk, Devıd Lınch - amerıkalyq kınorejısser, stsenarıst, akter. 2019 jylǵy Amerıka kınoakademııasynyń qurmettі syılyǵynyń, sondaı-aq Kann kınofestıvalіnіń "Altyn palma butaǵy" jáne Venetsııa kınofestıvalіnіń "Altyn arystanynyń" ıegerі. Úzdіk rejıssýra úshіn úsh ret "Oskar" nomınatsııasyna usynylǵan.
Devıd Lınch óz mansabyn anımatsııadan bastaǵan yqpaldy rejısser. Ol Twin Peaks kýlttіk telehıkaıasynyń jasaýshysy retіnde álemge tanylǵan. Sondaı-aq kórermender men synshylar ony "Pіl adam", "Kók barqyt" jáne "Malholland Draıv" sııaqty fılmderі arqyly jaqsy tanıdy.