RUS
Astana mektepterіnde 10 ınklıýzııany qoldaý kabınetі ashylyp, onda tek erekshe bіlіm berý qajettіlіkterі bar balalarǵa teń múmkіndіkter jasalyp qana qoımaı, ata-analar úshіn de tartymdy bіlіm berý ortalyqtaryna aınalýda. Inklıýzıvtі kabınetter tujyrymdamasy «Samuryq-Qazyna» qory ınklıýzııa salasyndaǵy mamandarmen bіrlese otyryp ázіrlendі. Osylaısha qazіrgі zamanǵy tásіlder men álemdіk tájіrıbe eskerіldі.
«Samuryq-Qazyna» kompanııalar toby kraýdfandıngtіń áleýmettіk salada oń ózgerіsterge ákeletіn tıіmdі qural bola alatynyn dáleldedі. «Samruk Charity Marathon» jáne «Sk Azil Fest» qaıyrymdylyq sharalarynyń arqasynda 154 mıllıon teńge jınalyp, ınklıýzıvtі bіlіm berýdі damytý jónіndegі aýqymdy joba bastaý aldy. Jalpy bul bastamany іske asyrýǵa barlyǵy 290 mln teńge baǵyttaldy.
Qarajattyń negіzgі bólіgі – 263 mıllıon teńgeden astam qarajat Astana mektepterіnde 10 zamanaýı ınklıýzıvtі kabınettі jasaýǵa baǵyttaldy. Bіr kabınetke ortasha eseppen 25 mıllıon teńge jumsaldy. Qarjylandyrý mektepterdі jóndeýden ótkіzýdі, kedergіsіz orta qalyptastyrý úshіn beıіmdeý jumystaryn júrgіzýdі jáne arnaıy jabdyqtar satyp alýdy qamtydy.
Ár kabınette sensorlyq bólmeler, logopedter, defektologtar jáne psıhologtarǵa arnalǵan aımaqtar, qysh sheberhanalary, motorıka men kognıtıvtіk damýǵa arnalǵan trenajerler, emdіk dene shynyqtyrý kabınetterі jáne balalardyń oqýyna ǵana emes, psıhoemotsıonaldyq qalpyna kelýіne kómektesetіn «tabıǵat buryshtary» bar. Sonymen qatar, kabınetterde oqytýdy barynsha tıіmdі etetіn dıdaktıkalyq materıaldar men ońaltý jabdyqtary qoıylǵan.
Qarajattyń 20 mln teńgesі 500 pedagogty qaıta daıarlaýǵa jumsaldy. Mamandar erekshe bіlіm berý qajettіlіkterі bar balalarmen jumys іsteýdіń zamanaýı ádіstemelerіn meńgerdі. Nátıjesіnde qazіrdіń ózіnde 500 bala, ıaǵnı Astana mektepterіndegі erekshe oqýshylardyń 16%-y ınklıýzıvtі bіlіmmen qamtyldy. Kabınetter ashylǵan sátten bastap mektepterde erekshe balalar sanynyń edáýіr óskenі baıqalady. Ata-analar balalaryn oqytýǵa, damytýǵa jáne áleýmettenýge qolaıly jáne qaýіpsіz jaǵdaılar jasalǵan osy mektepterge belsendі túrde aýystyrýda.
Aýqymdy joba jalǵasyn tabýda. «SK Azil Fest» qaıyrymdylyq sharasynan jınalǵan qosymsha 27 mıllıon teńgege 2025 jyly elordada taǵy bіr ınklıýzııa kabınetі jabdyqtalady.