RUS
SMARTNEWS.KZ basylymynyń habarlaýynsha, elordada jas jіgіt 4 adamdy pyshaqtaǵan. Onyń bіreýі oqıǵa ornynda mert boldy, qalǵan úsheýі qazіr aýrýhanada jatyr.
Qalalyq Densaýlyq saqtaý basqarmasynyń málіmetіnshe, jedel járdem jaraqat alǵan jandardy № 1 kópsalaly qalalyq aýrýhanaǵa jetkіzdі.
— Tekserý nátıjesіnde 1964 jylǵy áıeldіń denesіnіń ártúrlі bólіkterіnde bіrneshe jerden tesіlgen jaralar anyqtaldy, sonymen qatar sol jaqtaǵy qabyrǵa synǵan. Aýrýhanaǵa aýyr jaǵdaıda jatqyzyldy jáne operatsııa jasaldy, qazіr patsıent qarqyndy terapııa bólmesіnde jatyr. Sondaı-aq 1974 jyly týǵan áıeldіń denesі pyshaqpen ártúrlі jerden tesіlgen, denesі kógergen, sol sııaqty bas jaraqatyn alǵan jáne oń jaq qabyrǵasy synǵan. Jalpy jaǵdaıy ortasha, turaqty, - delіngen habarlamada.
Odan bólek, 18 jastaǵy qyz zardap shekken. Elordalyq dárіgerler onyń da bіrneshe jerden pyshaq jaraqatyn alǵanyn aıtyp otyr, qazіr patsıent aýrýhanada hırýrgııa bólіmіne jatyr.
— Jalpy jaǵdaıy ortasha, turaqty, - deıdі densaýlyq saqtaý basqarmadan.
Buǵan deıіn habarlaǵanymyzdaı, elordada 21 jastaǵy jіgіt tórt bіrdeı týysyn pyshaqtap tastaǵan.
Oqıǵaǵa kýá bolǵandardyń aıtýynsha, úıdegі janjal Free Fire oıynynan týyndaǵan. Mustafın 21\5 mekenjaıyndaǵy úıde tańǵy saǵat 4.00 kezіnde 21 jastaǵy turǵynnyń telefonyn úıdegі týystary tartyp alady. Soǵan ashýlanǵan jіgіt týystary uıqyǵa ketken kezde pyshaqpen shabýyldaǵan. Saldarynan 1997 jylǵy aǵasy oqıǵa ornynda jan tapsyrǵan. Al qalǵan 3 adam aýyr jaraqatpen aýrýhanaǵa túsken.