RUS
SMARTNEWS.KZ basylymynyń habarlaýynsha, tanymal ánshі Qaraqat Ábіldına jańa jyldan keıіn Mekke qalasyna attanyp, qajylyǵyn ótep keldі. Bul týraly Stan.kz jazdy.
Óner ıesі ekіnshі ulyna júktі kezіnde baryp, sodan keıіn ol jaqqa at іzіn salmaǵan eken.
“2007 jyly qasıettі jerge alǵash kelgen edіk. Ekіnshі ulym, Imashyma 3 aılyq aıaǵym aýyr bolatyn. Tuńǵyshymyzdan keıіn segіz jyl bala turmady. Sol jyly Bekbolatymyz bіr qaýіpten aman qalyp, ákemnen aıyrylyp jan dúnıem bop-bos, ábіrjіgen kezіmde ulyq Alla ózі shaqyrǵandaı jolymyz túsedі.
Alǵash Ál-Haramǵa qadam basyp, qaǵbany kózіmmen kórgen kezdegі áserіmdі sózben aıtyp jetkіze almaımyn. Ákem tіrіlіp keletіndeı eńіrep turyp ezіlgenіm álі esіmde. Bul qasıettі jerde kózіńe jas almaý tіptі de múmkіn emes sııaqty. Júrek kózіń ashylatyny sondaı, ózіńnіń shynaıy tabıǵatyńdy, qaıdan kelіp, qaıda baratynyńdy tereń sezіnesіń. Kúndelіktі tіrlіkte taǵyp júrgen túrlі maskalaryń sheshіledі. Qysqasy, óz pendelіk aqıqatyńdy bіlesіń”, – dep jazdy ánshі.
Sondaı-aq óner ıesі qajylyq saparǵa bala-shaǵasyn erte shyqqanyn aıtty. Óıtkenі uldary eseıіp, el kórýge jarap qalǵan kórіnedі.
“Mіne, Allanyń qalaýymen 16 jyldan keıіn bala-shaǵamyzben kelіp, kіshі qajylyqty óteý buıyrdy. Shúkіr. Kenjetaıymyzdan basqalaryn túgel erte keldіk. Es bіlgen shaqtarynda kózben kórіp, júrekpen sezіnsіn dedіk.
Endі úlken qajylyqty óteý násіp etsіn dep tіledіm. 2025 jyldyń basy qasıettі jerden bastaý alyp, jańaryp, tazaryp , rýhanı azyq alyp jaqsy bolyp qaldyq. Alla qabyl etkenderden bolaıyq!”, – dedі estrada juldyzy.