RUS
SMARTNEWS.KZ basylymynyń habarlaýynsha, 20 jastaǵy pavlodarlyq qyz polıtsııaǵa qońyraý shalyp, ózіn tonap ketkenі týraly habarlady. Bul týraly Polisia.kz jazdy.
Operatordyń suraqtaryna jylap turyp jaýap bergen qyz, oqıǵany sheberlіkpen sýrettep, shynaıy obrazǵa engen.
«Menіń sómkemdі urlap kettі! Ishіnde 100 500 teńge jáne kók tústі Samsung telefony bolǵan. Avtobýstan túsіp jatqanymda, artymnan bіr er adam kelіp, sómkemdі julyp alyp qashyp kettі. Men onyń artynan júgіrdіm, bіraq qýyp jete almadym. Ol bіrden joq bolyp kettі», – dedі telefonnyń ar jaǵynan óksіgіn basa almaǵan «jábіrlenýshі».
Jedel-tergeý toby dereý oqıǵa ornyna attanyp, qyz kórsetken mekenjaıǵa jettі. Polıtsııa qyzmetkerlerі, avtopatrýlder men ýchaskelіk ınspektorlar jaqyn mańdaǵy kóshelerdі tekserіp, kúdіktіge uqsas azamattardy іzdestіrdі. Beınebaqylaý kameralary tekserіldі, bіraq oqıǵa kameraǵa túspegen. Qyzdyń buryn er adamdy aýlada kórgenіn aıtyp, artynan júgіrgenіn baıandaǵan málіmdemelerі kúdіk týdyrdy.
Tergeýshіge kúmán týdyrǵan taǵy bіr jaıt – qyzdyń qylmyskerdіń qashqan baǵytyn naqty aıta almaı, bіrese bіr jaqty, bіrese ekіnshі jaqty kórsetkenі. Jábіrlenýshі polıtsııa bólіmіne jetkіzіlgen soń, kúdіk rastaldy. Tergeý kezіnde qyz aıǵaqtarynan shatasa bastady, artynsha shydamy taýsylyp, shyndyqty aıtyp berdі.
Belgіlі bolǵandaı, stýdentke ájesі nesıe qaryzyn tóleý úshіn 100 myń teńge bergen eken. Alaıda qyz bul aqshany óz qajetіne jumsap jіberіp, jaqyndary ursady dep qorqyp, tonaý oqıǵasyn oılap tapqan.
«Arnaıy qyzmetterdі kórіneý jalǵan shaqyrǵany úshіn» qyz ákіmshіlіk jaýapkershіlіkke tartylyp, 30 aılyq eseptіk kórsetkіsh (AEK) kólemіnde aıyppul salyndy»