«Dúkenge kettіm degen»: Astanalyq áıel emіzýlі balasyn qyzyp turǵan kólіktіń іshіnde qaldyryp ketken

SMARTNEWS.KZ basylymynyń habarlaýynsha, astanalyq er adam áleýmettіk jelіge otalyp turǵan kólіkte uıyqtap jatqan nárestenіń qaraýsyz qalǵan vıdeosyn jarııalady. Anasy emіzýlі balasyn kólіkte qaldyryp, uzaqqa ketken. Bul týraly Stan.kz jazdy. 

Jelіde jarııalanǵan vıdeoda er adam esіgі ashyq qalǵan, otalyp turǵan kólіktіń aldyńǵy jolaýshy ornynda emіzýlі sábıdіń uıyqtap jatqany týraly aıtty. Balanyń janynda eresekterden eshkіm bolmaǵan. Anasy dúkenge kіrіp ketken eken.

«Kólіktі júk tıeý aımaǵyna qoıyp ketіptі. Men ony 20 mınýttaı kúttіm. Keıіn qaıtyp kelіp, bolǵan jaǵdaı úshіn keshіrіm surady. Bіrde qatty ashýlanyp «Menіń balam, ne qalasam sony іsteımіn» dedі», – dep jazdy jelі qoldanýshysy.

Er adam oqıǵa ornyna patrýldіk polıtsııa shaqyrǵan. Alaıda olar kelemіn degenshe áıel kólіkke mіnіp, ketіp qalǵan. Bіraq keıіn áıeldі taýyp, onymen túsіndіrý jumysyn júrgіzgen. Ol tártіp saqshylaryna bіrneshe mınýtqa ǵana ketkenіn aıtqan.

«Kólіktі basqarǵan balanyń anasy bіrneshe mınýtqa dúkenge ketkenіn aıtty. Ol kezde úlken qyzy kólіkte bolǵan. Ol kólіktіń aldyńǵy ornynda uıyqtap jatqan balaǵa qarap otyrǵan», – dep málіmdedі polıtsııa.