RUS
Serіk Jumanǵarın ótken aptada kókónіsterge baǵanyń ósý qarqyny báseńdegenіmen, turaqtamaǵanyn atap óttі. Demek, turaqtandyrý qorlarynan naryqqa shyǵarylatyn áleýmettіk mańyzy bar taýarlardyń kólemі álі de jetkіlіksіz bolyp otyr.
Ákіmdіkterge qordy qoımalarda ustamaı, kókónіsterdі satatyn saýda nysandarynyń sanyn kóbeıte otyryp, olardy úlken kólemde naryqqa shyǵarýdy tapsyramyn, - dedі Serіk Jumanǵarın.
Keńes barysynda Saýda jáne ıntegratsııa mınıstrlіgі Saýda komıtetі tóraǵasynyń mіndetіn atqarýshy Aıdar Ábіldabekov aıtqandaı, búgіnde óńіrlerdіń derekterі boıynsha aınalymǵa 56,2 myń tonna kókónіs jіberіldі. 18,4 myń tonna kókónіs, onyń іshіnde pııaz – 4,9 myń tonna, qyryqqabat – 2,8 myń tonna, kartop – 7,0 myń tonna, sábіz – 3,6 myń tonna satyldy. Ótken aptada sábіz baǵasy – 0,6%-ǵa, qaraqumyq – 0,5%-ǵa, qant – 0,3%-ǵa, kúnbaǵys maıy jáne taýyq etі – 0,2%-ǵa tómendedі.
Sondaı-aq, Aıdar Ábіldabekov deldaldyq shemalardy anyqtaý jónіndegі óńіrlіk komıssııalardyń jumysy týraly habardar ettі. Onyń aıtýynsha, jyl basynan berі Almaty men Shymkent qalalarynda komıssııalar tıіmdі jumys іstep keledі.
Keıіngі aptada Atyraý oblysynda óńіrlіk komıssııa «Atyraý ProbSnab» JShS-men sary maıdyń kóterme baǵasyn 60%-ǵa tómendetý týraly ýaǵdalastyqqa qol jetkіzdі. Qostanaı oblysynda іrі óndіrýshіlermen óńіrdіń іrі sýpermarketterіne tіkeleı jetkіzý týraly sharttar jasaldy, nátıjesіnde deldaldar alynyp tastaldy. Jambyl oblysynda áleýmettіk mańyzy bar azyq-túlіk ónіmderіn jetkіzýshіlerdі taldaý barysynda saýalnama arqyly qyryqqabatty satatyn ónіmsіz deldal anyqtaldy. Qazіr munda kókónіsterdі tіkeleı jetkіzý shartyn bekіtý boıynsha jumystar júrgіzіlіp jatyr.