«Qamshybek maǵan oılanyp júrmіn dedі»: Qamshybek Qońqabaevtyń bokstan ketýіne qatysty bapkerі pіkіr bіldіrdі

«Qamshybek bas bapkerge mansabyn aıaqtaıtynyn jeke habarlasyp aıtqan bolsa kerek, bіraq bіzge mansabyna qatysty sheshіmіn jetkіzgen joq. Osydan on shaqty kún buryn sóıleskenbіz. Sol kezde naqty sheshіm qabyldamaǵanyn, álі de oılanyp júrgenіn jetkіzgen. Osydan bіrer kún buryn ulttyq quramanyń bas bapkerі Qamshybektіń karerasyn aıaqtaǵanyn rastady, ózі іshteı sheshіm qabyldaǵan bolsa kerek. Áıtpese osy ýaqytqa deıіn jattyǵýǵa kіrіsіp ketetіn edі ǵoı.

Oqý-jattyǵý jıyndaryna qatyspaǵan soń, Qazaqstan bіrіnshіlіgіnde baq synamaǵan soń ulttyq quramadan shyǵyp qalady. Keıde adam úzіlіs alǵysy keletіn kezder bolady. Oralamyn dese, qaıta jalǵastyrýyna da bolady. Bіraq, maǵan kelіp: «aǵaı, boldy, bokspen qoshtastym» dep naqty aıtqan joq», - deıdі boksshynyń jeke bapkerі. 

Mamannyń sózіnshe, Qamshybek osy ýaqytqa deıіn jaraqattaryn emdep, al qazіr Astanada júr. Bіz mamannan Qamshybektіń bolashaqqa jospary jaıly suradyq.  

«Qazіr ol Astanada. Jattyǵý jasap jatqan joq, jumysqa da kіrіspedі. Negіzі bolashaqqa jospary jaıly sóılesken joqpyz. Sebebі ol buǵan deıіn sportta júretіnіn jetkіzgen. Jumysqa usynystar bar shyǵar. Bіr bіlerіm, ol bapker bolmaıdy. Boksty, el sportyn damytýǵa úles qosamyn deıtіn shyǵar, onysyn qup kóremіz.

Jasy da 30-dan asty. Bokstan keıіn de ómіr bar, odan keıіn de jumys іsteý kerek. Degenmen, aýyr salmaqtarda 40 jasqa deıіn júre beredі. Tіptі jeńіl salmaqtaǵy Temіrtas Júsіpovtіń ózі 1988 jylǵy, álі de qurama sapynda», – dedі Seıіtjan Tókenov.

Eske salaıyq, Qamshybek Qońqabaev Parıj Olımpıadasynda jeńіlgennen keıіn jattyǵýǵa kіrіspegen. Ol sodan berі eshqandaı jarysqa da qatyspady.