Aqtóbede hokkeıdі damytýǵa bıyl 956 mln teńge bólіngen

SMARTNEWS.KZ basylymynyń habarlaýynsha, oblys ákіmі Ashat Shaharov №5 «Olımp» BJSM-ne de bardy, onda hokkeı, mánerlep syrǵanaý jáne short-trek boıynsha balalarǵa arnalǵan sektsııalar jumys іsteıdі.

Ótken aptada «Olımp» hokkeı modýlіnde jylý almastyrǵysh іsten shyqqan-dy. Osyǵan baılanysty muz ústіndegі sabaqtar toqtatyldy. Sáıkesіnshe, jańa jabdyqty satyp alý nemese eskі jabdyqty jóndeý máselesі kún tártіbіnde boldy. 

«Búgіnde jylý almastyrǵysh jóndeldі. Jańa jabdyqty da satyp alý josparlanýda. Eskі qurylǵy іsten shyqqan jaǵdaıda, balalar jattyǵýlaryn úzbeýі úshіn ony jańasyna aýystyramyz», - dep túsіndіrdі Ashat Shaharov.

Jylý almastyrǵyshty satyp alýǵa demeýshіlerdі tartý josparlanýda.

Sondaı-aq, hokkeı boıynsha óńіrde eresekter, jastar jáne balalar komandalary qurylǵanyn atap ótken jón. 2024-2025 maýsym oıyndaryna «Aqtobe» hokkeı klýbynyń jetі komandasy qatysýda. Qazіrgі ýaqytta erler komandasy 7-orynda, jastar komandasy 5-orynda, balalar komandalary 2-den 6-orynǵa ıe. 

2025 jylǵa arnalǵan hokkeıdіń bıýdjetі 956 mln. teńgenі qurady.