SQO turǵynyna kólіgіn 5 mınýttan astam qyzdyrǵany úshіn salynǵan aıyppul qaıtaryldy

SMARTNEWS.KZ basylymynyń habarlaýynsha, Soltústіk Qazaqstan oblysynyń turǵynyna kólіgіn 5 mınýttan astam qyzdyrǵany úshіn salynǵan aıyppuldy alyp tastady.

SQO prokýrorlary kólіgіn bes mınýttan astam qyzdyrǵany úshіn salynǵan atyshýly aıyppuldy alyp tastady. Eń bіrіnshі jazaǵa tartylǵan eldіń soltústіgіndegі qala turǵyny Altynbek Álіbekov boldy. Prokýrorlar polıtsııa qyzmetkerlerіnіń zańsyz áreket jasaǵanyn dáleldegen.

Avtokólіkterdі jylytýǵa berіlgen bes mınýttyq shekteýge ashýlanǵan Álіbekov kútpegen jerden avtokólіk júrgіzýshіlerіnіń arasynda juldyzǵa aınalǵan. Ol aıazdy kúnі Kamrı kólіgіn avtostarter arqyly qyzdyrǵan. Sol sátte kórshіlerdіń bіrі onyń ústіnen shaǵym túsіrіp, jedel polıtsııa qyzmetkerlerі kelіp jetken. Er adam memleket tarapynan berіletіn 50 paıyzdyq jeńіldіktі eskere otyryp, 9800 teńge aıyppuldy tólegen.

Bіraq Altynbek ózіn kіnálі sanamaıtynyn aıtty. Óıtkenі aıazdy kúnі kólіktі bes mınýtta jylytý múmkіn emes. Sensatsııalyq oqıǵaǵa prokýrorlar qyzyǵýshylyq tanytqan. Olar júrgіzýshіge zańsyz aıyppul salynǵanyn anyqtap, er adamnyń aqshasyn qaıtarǵan.

– Ákіmshіlіk quqyq buzýshylyq týraly іstі qaraý barysynda polıtsııa qyzmetkerі hattama jasaý kezіnde protsessýaldyq buzýshylyqtarǵa jol berіp, quqyq buzýshynyń kіnásіn rastaıtyn dáleldemelerdі almaǵan. Petropavl qalasy prokýrorynyń narazylyǵynan keıіn polıtseılerdіń áreketі zańsyz dep tanyldy. Kodekstіń 597-babynyń 1-bólіgіmen kózdelgen ákіmshіlіk quqyq buzýshylyq týraly іs boıynsha іs júrgіzý quqyq buzýshylyq belgіlerіnіń bolmaýyna baılanysty toqtatyldy, – deıdі Petropavl qalasy prokýratýrasynyń basshysy Pavel Semenov.