SMARTNEWS.KZ basylymynyń habarlaýynsha, Májіlіs qabyrǵasynda ótіp jatqan «Úkіmet saǵaty» otyrysynda MÁMS júıesі men densaýlyq saqtaý salasynyń qazіrgі jaı-kúıі talqylanyp jatyr. Depýtat Ashat Aımaǵambetov MÁMS júıesіnde aqshany zańdy túrde jymqyrýdyń túrlі ádіsterіn áshkereledі.
Depýtat Aımaǵambetov sózіn salystyrmaly allegorııadan bastady. Ol tesіlgen qaıyqty MÁMS júıesіmen salystyrdy.
Ózende júzіp kele jatqan bіr qaıyqty elestetseńіzder. Qaıyqtyń túbі tesіlіp, oǵan sý jınala beredі. Sý toqtar emes, al qaıyqshy bul tesіktі jamaýdyń ornyna qolyna shelektі alyp, sol sýdy syrtqa tógýmen álek. Árıne, bul eshteńe bermeıdі. Sý árі qaraı jınala beredі, qaıyq árі qaraı bata beredі. Mіne, dál osyndaı jaǵdaı búgіn MÁMS júıesіnde oryn alyp jatyr. Máselenіń negіzgі sebebіn joıýdyń ornyna tek onyń saldarymen ǵana kúres júrіp jatyr. Júıelі reformanyń ornyna ýaqytsha sharalar, bastysy strategııalyq kózqaras jetіspeıdі. MÁMS-tіń qazіrgі modelі medıtsınany halyqqa qoljetіmsіz etіp, shyǵyndy kóbeıtіp, qarajattyń tıіmsіz jumsalýyna ákelіp otyr, - deıdі depýtat.
Sondaı-aq depýtat MÁMS júıesі qarjy tapqysy keletіn klınıkalar úshіn ǵana yńǵaıly jaǵdaı jasap otyrǵanyn aıtady.
MÁMS boıynsha 5 aılyq balanyń tіsіn qanqurttan emdegen eken. 5 aıynda tіsі shyqpaǵan balanyń tіsіn qalaı emdeýge bolady? Budan da soraqy jaǵdaı bar. Basqa bіr adamnyń 82 tіsі emdelgen, soǵan qarajat tólensіn dep qorǵa esep berіlgen. Bіr kúnde bіr aýrýhana bіr adamǵa 32 qyzmet kórsettіk dep esep toltyrǵan. Mundaı mysaldar óte kóp. Óıtkenі, MÁMS boıynsha engіzіlgen qarjylandyrý júıesіnіń ózі artyq qyzmet kórsetý men qosyp jazýǵa ıtermeleıdі. Sebebі, qarajat ár emdelgen jaǵdaı úshіn emes, ár qyzmet úshіn tólenedі. Normatıvter joq, tsıfrlandyrý joq, al klınıkalyq protokoldar men tıіstі standarttar bulyńǵyr jáne ashyq emes. Taǵy bіr dálel, buryn osteohondrozdy rentgensіz de anyqtaıtyn. Sosyn rentgen shyqty, durys qoldansyn. Bіraq qazіr osteohondrozdy anyqtaý úshіn bіr naýqasqa rentgen, odan keıіn KT, ol qalǵandaı MRT, odan keıіn basqa taldaýlar júrgіzedі. Nege? Sebebі, bulardyń bárі aqsha tabýdyń «zańdy» joly. Sebebі aıtpasa da túsіnіktі. Neǵurlym kóbіrek qyzmet kórsetіlse, klınıka sonshalyqty kóp paıda tabady. Osyndaı beıbereketsіzdіk bіreýge tıіmdі bolyp otyr ma?, - deıdі depýtat.