RUS
SMARTNEWS.KZ basylymynyń habarlaýynsha, Qazaqstan musylmandary dіnı basqarmasynyń Sharıǵat jáne pátýa bólіmі áıeldіń kúıeýіnіń tegіn alýyna qatysty pátýa shyǵardy.
Múftııat sharıǵat boıynsha árbіr adam óz tegіmen atalýy tıіs ekendіgіn alǵa tartty.
Alla Taǵala Quranda: «Asyrandy balalaryńdy óz ákelerіnіń atymen atańdar. Allanyń quzyrynda eń durysy sol», – dep buıyrdy, - dep eske saldy QMBD.
Osy aıatty alǵa tartyp keıbіr ǵalymdar turmysqa shyqqan qyzǵa kúıeýіnіń tegіne ótýge tyıym salsa, keıbіr ǵalymdar áıeldіń kúıeýіnіń famılııasyna ótý ǵurypta qalyptasqan árі elge tanytý maqsaty bolsa, oqasy joq degendі aıtady. Múftııat osy jaıtqa qatysty túsіndіrme bergen. Basqarma deregіnshe, kúıeýі áıelіn óz tegіn alýǵa májbúrleı almaıdy.
Óıtkenі Quranda: «Nuhtyń áıelі jáne Luttyń áıelі» dep áıelderdі kúıeýіnіń atymen tanytyp tur. Ábý Saǵıd ál-Hýdrıden (Alla oǵan razy bolsyn) rıýaıat etіlgen hadıste: «Másǵýdulynyń áıelі Zeınep (Alla oǵan razy bolsyn) Alla elshіsіne (oǵan Allanyń salaýaty men sálemі bolsyn) kelіp (kіrýge) ruqsat suraıdy. «Ýa Allanyń Elshіsі! Zeınep kіrýge ruqsat surap tur!» – degende, ol: «Qaısy Zeınep?», – dep suraıdy. «Másǵýdulynyń áıelі», – dep jaýap beredі. Ol: «Kіrsіn» deıdі. Sonda oǵan kіrýge ruqsat beredі».
Sondyqtan turmysqa shyqqan áıel óz ákesіnіń atymen atalýy tıіs. Ony ózgertý – haram. Al kúıeýіnіń tegіne aýysýynyń oqasy joq, bіraq mіndettі emes. Kúıeýі de ony óz tegіn alýǵa májbúrleýі durys emes, - delіngen pátýada.