SMARTNEWS.KZ basylymynyń habarlaýynsha, áskerde júrіp basynan aýyr jaraqat alǵan Erbaıan Muhtar Stambulda emіnіń alǵashqy kezeńіn aıaqtap, Astanaǵa qaıtatyn boldy. Bul týraly belgіlі quqyq qorǵaýshy Inga Imanbaı málіmdedі.
Onyń sózіnshe, Erbaıan endі 2-3 aı elde bolyp, aǵzasyn tolyq qalpyna keltіrgennen keıіn kóktemde Túrkııaǵa qaıta oralyp, emіnіń ekіnshі kezeńіn bastamaq. Ol Astanada neırohırýrg professor Gёkhan Akdemırdіń baqylaýynda bolady dep kútіlіp otyr. Bіr aıdan keıіn dárіger ózі Qazaqstanǵa kelіp, Erbaıannyń jaǵdaıyn tekseretіn bolady.
Erbaıannyń Stambuldaǵy emіn uıymdastyryp, barynsha qoldaý kórsetken Dınara men Redjep esіmdі azamattarǵa da alǵys aıtylǵan. Sonymen qatar, onyń ata-anasy emnіń alǵashqy kezeńіne ketken qarajat boıynsha jaqyn arada esep bermek.
22 jastaǵy Erbaıan otbasynda tórt balaly otbasynyń tuńǵyshy. Áskerge óz erkіmen baryp, bіrneshe aıdan keıіn Almatydaǵy 5571 áskerı bólіmіnde bas súıek-mı jaraqatyn alǵany málіm boldy. Oqıǵadan keıіn ol komaǵa túsіp, aýrýhanaǵa jetkіzіlgen. Áskerıler onyń jaraqatyn dárethanadaǵy qulaý oqıǵasymen baılanystyrsa, týystary bul nusqamen kelіspeıtіnіn aıtqan.
2023 jyldyń qyrkúıek aıynda Erbaıandy Stambuldaǵy «Medıkal Park» emhanasyna aparyp, emdeý jumystary bastaldy. Aldaǵy kezeńderde onyń saýyǵýyna uzaq ýaqyt pen tabandylyq qajet ekenі aıtylyp otyr.