RUS
SMARTNEWS.KZ basylymynyń habarlaýynsha, Túrkіstan oblysynyń polıtseılerі 4 jyl buryn joǵalyp ketken qyzdy taýyp, anasymen qaýyshtyrdy. Bul týraly Polisia.kz jazdy.
Túrkіstan oblysy Tólebı aýdandyq polıtsııasy osydan 4 jyl buryn іz-túzsіz joǵalǵan jas qyzdy úzdіksіz іzdeý nátıjesіnde aman-esen taýyp, anasymen qaýyshtyrdy.
2021 jyldyń jaz aıynda jergіlіktі turǵyn polıtsııaǵa 16 jastaǵy qyzynyń joǵalǵanyn aıtyp, aryzdanǵan. Aqparat alysymen tártіp saqshylar barlyq qajettі tergeý áreketіn atqarǵan. Bіrneshe jyl ótse de turǵynnyń aryzy negіzіnde іzdeý іsі jalǵasyp, nátıjesіnde 2025 jyldyń qańtar aıynda bіr-bіrіnen kóz jazyp qalǵan anasy men qyzynyń kezdesýіne yqpal ettі. Áıel qýanyshtyń kóz jasyn jasyra almady.
Qyzymnan habarsyz qalyp, nendeı jaǵdaıda ekenіn bіle almaı júrgen kúnder artta qaldy. Sіzderge kóp rahmet. Arasynda ózderіńіzge de senіmsіzdіk bіldіrgen edіm, búgіn mіne úmіtіm aqtalyp otyr, - degen anasy kóńіldegі shynaıy rızashylyǵyn jetkіzdі.
Polıtsııa jas qyzdy Almaty qalasyndaǵy tamaqtaný oryndarynyń bіrіnde jumys іstep júrgen jerіnen tapqan. Búgіnde qyzdyń osynsha ýaqyt qaıda, ne sebeppen habarsyz ketkenіn anyqtaý sharalary júrgіzіlіp jatyr. Polıtseıler osy jaıt boıynsha muqııat tergeý júrgіzіp, oqıǵanyń tolyq mán-jaıyn anyqtaıtyn bolady.