RUS
SMARTNEWS.KZ basylymynyń habarlaýynsha, QR Memlekettіk qyzmet іsterі agenttіgіnіń Batys Qazaqstan oblysyndaǵy Ádep jónіndegі keńesіnіń kezektі otyrysynda memlekettіk qyzmetshіlerdіń tártіptіk іsterі qaralǵan. Bul týraly Kazinform jazdy.
QR Memlekettіk qyzmet іsterі agenttіgіnіń BQO boıynsha departamentі júrgіzgen qyzmettіk tergep-tekserýdіń qorytyndysynda málіm bolǵanyndaı, Tasqala aýdany Shejіn aýyldyq okrýgіnіń ákіmі Mırjan Esqalıev ótken jyldyń 14 jeltoqsany kúnі Oral qalasynda Subaru Outback kólіgіn masań kúıіnde aıdaǵan.
Soǵan sáıkes M.Esqalıev sot qaýlysymen QR Ákіmshіlіk quqyq buzýshylyq týraly kodeksіnіń 608-baby 1-bólіgіmen kіnálі dep tanylyp, 15 táýlіkke ákіmshіlіk qamaqqa alynǵan. Oǵan qosa jetі jyl merzіmge kólіk quralyn basqarý quqyǵynan aıyrylǵan.
Aýyl ákіmі óz túsіnіktemesіnde tártіptіk terіs qylyq jasaǵanyn moıyndaǵan.
Ádep jónіndegі keńes múshelerі M.Esqalıevtі qatań sógіs túrіndegі tártіptіk sharaǵa tartýdy qoldady.
Otyrysta sondaı-aq Qaratóbe aýdany jumyspen qamtý jáne áleýmettіk baǵdarlamalar bólіmіnіń basshysy Bekbolat Berdіǵalıev pen bas mamany Baıan Jambylovaǵa qatysty tártіptіk іs talqyǵa salyndy.
Málіm bolǵanyndaı, atalǵan bólіm basshysy ótken jyldyń 31 qańtarynda «Nur armany» qoǵamdyq bіrlestіgіmen aýdannyń múgedektіgі bar turǵyndaryna ınvataksı qyzmetіn kórsetý úshіn memlekettіk satyp alý týraly shart jasaǵan. Talapqa sáıkes kreslo-arbamen qozǵalatyn nemese óz betіmen júre almaıtyn múgedekterdі tasymaldaý úshіn otyrǵyzýǵa jáne túsіrýge arnalǵan arnaıy jabdyqtalǵan avtokólіk paıdalanylýy tıіs. Alaıda jeńіmpaz atanǵan «Nur armany» QB jabdyqtalmaǵan «KIA RIO» avtokólіgіmen qyzmet etken. Bul kreslo-arbamen qozǵalatyn jandardyń qatynaýyna qıyndyq týǵyzǵan. Kórsetіlgen qyzmet úshіn bólіm basshysy aqyny tolyqtaı tólegen.
Ádep jónіndegі keńes basym daýyspen B.Berdіǵalıevke qyzmetіne tolyq sáıkes emestіgі týraly eskertý berýdі jón dep tapty.
Atalǵan shart bólіm basshysy men «Nur armany» QB arasynda jasalǵandyqtan, B.Jambylovanyń tártіptіk іsі toqtatyldy.
https://kaz.inform.kz/news/bko-da-masan-kuynde-avtokolk-aydagan-auil-akm-zhauapka-tartildi-a5f7bc/