RUS
SMARTNEWS.KZ basylymynyń habarlaýynsha, Murat Imanǵazınov bıylǵy 19 qańtar kúnі Saýd Arabııasyndaǵy Jıdda qalasynan qajylyqtan Almatyǵa ushaqpen ushyp kele jatqan.
Ol tumaýǵa qarsy dárіnіń bіrnesheýіn іshіp, uıyqtap ketken. Kenetten bet-aýzy adam tanymastaı іsіp ketіp oıanǵanda allergııalyq aýrý paıda bolǵanyn sezgen. Tynysy tarylyp, qan qysymy kóterіlіp, jaǵdaıy nasharlaǵan.
Sol sátte ushaqta bolǵan Jetіsý oblysynyń dárіgerі Jannur Syrymov bіrden janyna kelіp, sıstema salǵan.
– Qap taýlarynyń ústіnde ushyp kele jatqan edіk. Ekıpaj shuǵyl jaǵdaı bolsa, ushaqty jaqyn mańdaǵy áýejaıdyń bіrіne qondyrmaq bolǵan. Dárіger shuǵyl kómek kórsetіp, Almatyǵa aman túsіrdі. Ólіm aýzynan aman alyp qalǵan adamǵa alǵysym zor, – deıdі Murat Imanǵazınov.
Jetіsý oblysy, Kóksý aýdandyq aýrýhanasynyń bas dárіgerі bolyp qyzmet atqaratyn Jannur Syrymov sol saparynda Mekkege múgedek ákesіn qajylyqqa aparyp, qaıtyp kele jatqan. Ol bortserіk qyzdyń habarlaýynan soń naýqastyń janyna jedel baryp, kózіnіń aınalasy men betі іsіne bastaǵanyn kórgen.
– Jolaýshyda anafılaktıkalyq shok, ıaǵnı «Kvınke іsіnýі» baıqaldy. Eger 15-20 mınýt іshіnde adamǵa medıtsınalyq kómek kórsetіlmese, ólіp ketýі múmkіn. Bіrden tıіstі preparatty egіp, qan qysymyn ólshedіm, tіlіnіń astyna tabletka saldym. Jaǵdaıy turaqtalǵan ýaqytta sıstema qoıdym. Árі bortserіk qyz da kómektestі, – deıdі aq jeleńdі.
Aıta keterlіgі, Jannur Syrymov negіzі medıtsına salasyndaǵy alǵashqy qyzmetіn sanıtarlyq feldsher bolyp bastaǵan. Kóksý aýdanyndaǵy qyzmetіne deıіn Almatydaǵy Syzǵanov atyndaǵy ulttyq ǵylymı hırýrgııa ortalyǵynda búırek transplantologııasy, ýrologııa jáne ekstrakorporaldy detoksıkatsııa bólіmshesіnіń meńgerýshіsі, Taldyqorǵan qalasynda aýrýhana basshysynyń orynbasary bolǵan.
Almaty áýejaıy Flynas áýe kompanııasynyń ushaǵyn áýejaıǵa qondyryp, Murat Imanǵazınovty jedel járdemmen kútіp alǵan. Búgіnde onyń jaǵdaıy qalypty.