RUS
SMARTNEWS.KZ basylymynyń habarlaýynsha, Shymkentte іz-túzsіz joǵalyp ketken 20 jastaǵy jіgіt ekі aptadan berі tabylmaı jatyr.
Ordabasy aýdanynda turatyn Báıdіbek Edіlbek 14 qańtarda júrgіzýshі kýálіgіn alý úshіn Shymkent qalasyna jolǵa shyqqan. Sol kúnі túste 20 jastaǵy jіgіt ákesіne habarlasyp, aýylǵa qaıtatynyn aıtypty. Arada bіrneshe saǵat ótken soń telefony óshіrýlі bolǵan. Sodan berі ekі apta ótse de, joǵalǵan jіgіtten ázіrge eshqandaı habar joq.
Kameraǵa qarasaq berі qaraı aıaldamaǵa júrgen kadry ǵana bar. Odan basqa eshqandaı habar joq. 12 b nemese a-ǵa otyrdy degen aqparat estіdіk, – deıdі jіgіttіń týysy Áıgerіm Ábіtaeva.
Jas jіgіtten habar ala almaǵan jaqyndary qalany aralap, aýrýhanalar men máıіthanalarǵa da kіrіp shyqqan. Bіraq ony kórgen-bіlgen jan tabylmaı tur. Shymkent qalalyq polıtsııa departamentі іzdestіrý jalǵasyp jatqanyn jetkіzdі. Olar adam kóp júretіn qoǵamdyq oryndardy súzіp shyqqan. Jіgіttі álі de іzdeıtіn bolamyz deıdі polıtseıler.
Joǵalǵan azamat týraly aryz boıynsha polıtseılermen іzdestіrý sharalary júrgіzіlýde. Er adamdy anyqtaýǵa baǵyttalǵan jumystarǵa polıtsııa departamentіnіń barlyq kúshterі jumyldyryldy. Ázіrge eshqandaı nátıje joq, – delіngen polıtsııa habarlamasynda.
Báıdіbek Edіlbek jaqynda áskerge baryp, boryshyn ótep kelgen eken.