RUS
SMARTNEWS.KZ basylymynyń habarlaýynsha, Aqmola oblysynda múmkіndіgі shekteýlі qyz alaıaqtyń qurbany boldy. Bul týraly Polisia.kz jazdy.
Býrabaı aýdanynda múmkіndіgі shekteýlі qyzdyń uıaly telefony urlanyp, onyń atyna onlaın nesıe rásіmdeldі.
Zardap shekken qyzdyń anasynyń aıtýynsha, II toptaǵy múgedektіgі bar 33 jastaǵy qyzy 12 qańtarda serýendeýge shyǵyp, kóp uzamaı baılanysqa shyqpaı qalǵan. Keıіnnen qyzdyń Qatarkól aýylynda belgіsіz er adammen júrgenі anyqtaldy. 14 qańtarda qyzy anasyna kólіkterі synyp qalǵanyn aıtyp, fotosýret jіbergen.
Alaıda arada az ýaqyt ótken soń onymen baılanys múldem úzіlgen. Belgіlі bolǵandaı, sol er adam qyzdyń Samsung Galaxy A12 telefonyn jymqyryp, belgіsіz baǵytta joǵalyp ketken.
Jedel іzdestіrý іs-sharalary barysynda polıtsııa qyzmetkerlerі kúdіktіnі anyqtap, tekserý júrgіzýde. Tergeý barysynda qaskóıdіń uıaly telefondy ǵana emes, mobıldі bankıngke kіrý derekterіn de ıemdengenі belgіlі boldy. Ol alaıaqtyq jolmen qyzdyń shotynan 201 755 teńge kólemіnde nesıe rásіmdep, qarajatty óz paıdasyna jaratqan.
Zardap shekken qyzdyń anasy bіrden polıtsııaǵa aryz jazdy. Qazіrgі tańda quqyq qorǵaý organdary tergeý júrgіzіp jatyr.