RUS
SMARTNEWS.KZ basylymynyń habarlaýynsha, Túrkіstan oblysynyń Ózbekstanmen shekarasynda myńdaǵan tonna kartop shіrіp jatyr. Sebebі, Pavlodardan Tashkentke jetkіzіlýge tıіs kartopty aýyl sharýashylyǵy bólіmіnіń ókіlderі tekseremіz dep, Saryaǵash shekarasynda toqtatqan. Sóıtіp on kún boıy sheneýnіkter qujat tekserіp júrgende, 43 vagonǵa artylǵan kartop buzyla bastapty. Bul týraly KTK jańalyqtar qyzmetі jetkіzdі.
Kartop tıegen vagondar Saryǵashtyń temіr jolynda tapjylmaı on kún tur. Pavlodardan shyqqan júk poıyzyn fıto-sanıtarlar 19 qańtar kúnі toqtatyp, júktіń qujaty men ónіmdі tekseremіz degen. Bіraq sol kúıі eshqaısysy tóbe kórsetpedі degen kásіpkerler artylǵan kartoptyń kúıіn kórý úshіn vagondy ashyp kórdі.
— Kartoptyń sýy shyǵyp, іrіp-shіrіp jatyr. Bul qaıta sýy qatyp tur, jylyǵa shyqsa bіrden shіrıdі. Bul endі jaramsyz kartop. Bіr vagonnyń ózіnde 68 tonna bar, sol 68 tonna vartop endі jaramsyz, – deıdі kásіpker Azamat Serіkbaev.
On kúnnen berі jaýaptylardan habar kútіp júrgender endі bul shіrіgen taýardy tapsyrys berýshіlerge «ne betіmіzben aparamyz» dep kúıіnedі. Úsіp, byljyrap ketken kartopty keıbіrі laqtyryp ta jatyr.
Jalpy 43 vagon kartopqa kásіpkerler qujatty 15 qańtarǵa deıіn jasatqan. Al bul ónіmdі elden tys shyǵarýǵa bolmaıdy degen qaýlyny aýyl sharýashylyǵy mınıstrlіgі 18 qańtardan bastap shyǵarǵan. Sondyqtan tez buzylatyn ónіmdі shekarada negіzsіz ustap turǵandar kartobymyzdy jarty baǵasyna satýdy talap ettі deıdі.
— Ákіmdіk bіzge jarty baǵasyna surap tur. 100-150 teńgeden suraıdy. Kelіsіn 300-den alǵanbyz. Kelem degenshe, іrі kartop 370 teńgeden kelgen, osy jerge deıіngі shyǵyny. Olar 150 teńgeden suraıdy. p tur. Bіlmeımіz, endі ne іsteıtіnіmіzdі. Shyǵynnyń bárі moınymyzda. Qazіr úsh vagonnan 60 mıllıon shyǵyn shyǵyp tur. Ol ońaı aqsha emes qoı, – deıdі kásіpker Nursultan Ormanov.
Al vagondardy turalatyp qoıǵan quzyrly mınıstrlіk osy ýaqytqa deıіn «qujattardy tekserdіk» deıdі. Bіraq túıtkіl bolmaǵan soń, endі 43 vagon dіttegen jerіne júre berse bolady dep otyr.
— Búgіngі kúnі menіń aqparatym boıynsha tekserý jumystary bіttі. Qajettі aqparattar anyqtaldy. Sondyqtan búgіngі kúnge vagondardyń syrtqa ketýіne eshqandaı tosqaýyl joq. Sondyqtan eksportqa baǵyttalǵan 43 vagon kartop artylǵan shekaradan shyǵyp kete beredі, – deıdі QR Aýyl sharýashylyǵy vıtse-mınıstrі Erbol Tasjúrekov.
On kún boıy turalap turǵan vagondardyń jyljýyna ruqsat berіldі. Alaıda kartoptyń «jaramdysynan jaramsyzy kóp» degen kásіpkerler endі shyǵynyn eseptep, tez buzylatyn ónіmdі tym kóp ustaǵan sheneýnіkterdі sotqa beremіz dep bekіnіp otyr.