RUS
SMARTNEWS.KZ basylymynyń habarlaýynsha, Mádenıet jáne aqparat mınıstrі Aıda Balaeva ınternet keńіstіgіnde shyndyqqa janaspaıtyn aqparat jıіlep ketkenіn alǵa tartty.
Vedomstvo basshysy jelі ákіmshіlerіn aqparatty muqııat tekserýge shaqyrdy.
Qazіrgі ýaqytta ınternet keńіstіgіnde bіrqatar ózektі másele qyzý talqylanyp jatyr. Monıtorıng kórsetkendeı, onlaın-platformalarda kóbіne zańǵa qaıshy, qarapaıym tіlmen aıtqanda, shyndyqqa janaspaıtyn aqparat jıі taralady. Osyǵan baılanysty jelіlіk resýrstardyń ákіmshіlerіn jańalyqtar aǵynyn muqııat qadaǵalap, rastalmaǵan aqparattyń taralýyna jol bermeýge jáne zańǵa qaıshy kontenttі joıýǵa shaqyramyn. Áleýmettіk jelі qoldanýshylarynan da oılanbaı áreket etpeýdі, sondaı-aq zań talaptaryna sáıkes onlaın-platformanyń buǵattalýy múmkіn jazbalar men pіkіrler qaldyrmaýdy suraımyn, - dep jazdy mınıstr.
Balaeva mınıstrlіk tyıym salý sharalaryna sırek júgіnetіnіn, alaıda jelіlіk resýrstardyń ákіmshіlerі óz áreketterіnіń saldaryn túsіnіp, aqparat taratýda eń aldymen oqyrman men qoǵam aldyndaǵy jaýapkershіlіktі sezіnýі kerektіgіn eske saldy.
Statıstıkaǵa súıensek, 2023 jyldan 2024 jylǵa deıіngі aralyqta Qazaqstan ınternet segmentіnde anyqtalǵan zańǵa qaıshy kontent kólemі ekі ese ósіp, 116 354 materıalǵa jettі. Eń kóp taralǵan zańbuzýshylyqtar qatarynda – terrorızmdі, dіnı ekstremızmdі jáne esіrtkі quraldaryn nasıhattaý, onlaın-kazıno men qarjy pıramıdalaryn jarnamalaý bar. Ótken jyly onlaın-platformalarda 78 539 zańǵa qaıshy materıal anyqtalyp, onyń 24,3%-y joıyldy.
Dostar, kez kelgen memlekettіń turaqtylyǵyn qamtamasyz etetіn basty faktorlar – aýyzbіrshіlіk pen yntymaq. Sondyqtan bárіmіz, memleket basshysy atap ótkendeı, naǵyz quqyqtyq memleket qalyptastyrýdyń basty kіltі sanalatyn zań men tártіp qaǵıdatyn berіk ustanýymyz qajet, - dedі ol.