Oralda atylǵan qańǵybas ıtterdі qoqys jáshіgіne laqtyryp ketken

SMARTNEWS.KZ basylymynyń habarlaýynsha, áleýmettіk jelіde 29 qańtarda Batys Qazaqstan oblysynda Zachaganskіdegі Temіrtaýskaıa kóshesіne bіreýler kelіp, ıtterdі atyp, qoqys jáshіkterіne laqtyryp jіbergenіn aıtqan shaǵym vıdeo jarııalandy.

Jazbanyń astyna Batys Qazaqstan oblysynyń polıtsııa departamentі bul oqıǵaǵa qatysty tergeý bastalǵany týraly túsіnіkteme berdі. Ólіmnіń sebebіn anyqtaý úshіn janýarlardyń denelerі saraptamaǵa jіberіldі.

Bul іske Batys Qazaqstan oblysynyń veterınarııa basqarmasy da túsіnіkteme berdі.

— Búgіnde qańǵybas janýarlardy atqan azamattar týraly málіmet joq. Qalalyq kommýnaldyq sharýashylyq pen Oral veterınarlyq stansasynyń qyzmetkerlerі ólgen maldardyń máıіtterіn shyǵaryp, keıіn olardy mal qorymyna kómіp jatyr, – dep túsіndіrdі basqarmadan.