Túrkіstan oblysynda 2 jasar bala ózenge batyp kettі
Túrkіstan oblysynda 2 jasar bala ózenge qulap, kóz jumdy, dep habarlaıdy smartnews.kz saıty Tótenshe jaǵdaılar mınıstrlіgіne sіlteme jasap.
4 naýryz kúnі saǵat 18.00-de Túrkіstan oblystyq Tótenshe jaǵdaılar departamentіnіń «112» pýltіne Báıdіbek aýdany Boraldaı aýyldyq okrýgіnіń Joǵarǵy Boraldaı aýylynyń turǵyndary 2020 jyly týǵan balanyń denesіn (qulaǵan jerden 1 shaqyrym jerden) sýdan alyp shyqqany týraly habarlama tústі.
Aldyn ala málіmet boıynsha, 4 naýryz kúnі kúndіz ata-anasynyń qaraýynsyz qalǵan sábı sýǵa túsýge jabdyqtalmaǵan jerde – úıge jaqyn mańdaǵy ózenge qulap ketken.
Oqıǵa ornyna Túrkіstan oblysy TJ departamentіnіń, kezekshі tergeý-jedel tobynyń qyzmetkerlerі bardy», - delіngen mınıstrlіk málіmetіnde.
Qutqarýshylar balalardy qaraýsyz qaldyrmaýǵa, qaýіpsіzdіk erejelerіn saqtaýǵa shaqyrady.