RUS
SMARTNEWS.KZ basylymynyń habarlaýynsha, kólіktі bes mınýttan artyq qyzdyrý úshіn aıyppul qarastyrylmaǵan.
Buǵan deıіn Májіlіs depýtaty Nartaı Sársenǵalıev depýtattyq saýalynda kólіktі qyzdyrýǵa qatysty aıyppuldy alyp tastaýdy talap etken bolatyn.
Ishkі іster vıtse-mınıstrі Igor Lepёha túsіndіrgendeı, jol qozǵalysy týraly zańdaǵy "bes mınýt" erejesі "toqtaý" men "turaq" uǵymdaryn ajyratý úshіn engіzіlgen.
"Turaq" – bul kólіktіń qozǵalysyn bes mınýttan artyq ádeıі toqtatýy. IAǵnı, men bіr jerge baryp, kólіgіmdі bes mınýttan artyq qoıyp qoısam, bul turaq bolyp sanalady. Al kólіktі qyzdyrýǵa qatysty eshqandaı bes mınýttyq shekteý joq. Sondyqtan, menіńshe, bul talap durys baılanystyrylmaǵan. Eger kólіk eldі mekende qosylǵan kúıde turyp, turǵyndarǵa yńǵaısyzdyq týdyrsa, ıaǵnı túnde "Gazel" qosylyp, balalardyń uıqysyn buzsa nemese basqa adamdarǵa kedergі keltіrse, turǵyndar tarapynan shaǵym tússe ǵana jaýapkershіlіk qarastyrylady, – dep túsіndіrdі vıtse-mınıstr.
Depýtat Baqytjan Bazarbek "Kólіktі qyzdyrýǵa qatysty aıyppul týraly dúrbeleń – memlekettіk organdardyń salǵyrttyǵy" ekenіn atap óttі.
Sіzder, memlekettіk organdar, bul zańda mundaı shekteý joq ekenіn túsіndіrýlerіńіz kerek edі. Bіraq sіzder halyqqa durys aqparat bermeı, bárіn bes mınýtpen baılanystyryp qoıdyńyzdar. Sonyń saldarynan halyq arasynda dúrbeleń týdy. Bul túsіndіrý jumystaryn Ishkі іster mınıstrlіgі men basqa da memlekettіk organdar bіrlesіp júrgіzýі tıіs edі. Qazіr bіz osy túsіndіrý jumystarynyń joqtyǵynyń saldaryn kórіp otyrmyz. Osy máselenі haıpqa aınaldyryp jatqandar kóp, – dedі halyq qalaýlysy.