RUS
Prıozersk pen Aqtoǵaı aýdanyndaǵy jergіlіktі bıýdjet qarajatynan balalary mektepke deıіngі bіlіm berý uıymdaryna baratyn kóp balaly analarǵa materıaldyq kómek berіledі. Al, Saranda ony eń tómengі zeınetaqymen laıyqty demalysta júrgen áıelder alady.
Bıýdjetten tys kózderden basqa qalalar men aýdandardyń turǵyndaryn da merekemen quttyqtaý júzege asyrylady. Máselen, azyq-túlіk jıyntyqtary kelesі sanattaǵylarǵa tıesіlі:
- Qaraǵandyda zeınetkerler men múgedektіgі bar áıelderge úıde áleýmettіk kómek kórsetý bólіmshelerі qyzmet kórsetetіnderge;
- Balqash jáne Saran qalalarynda múgedektіgі bar turǵyndarǵa;
- Buqar jyraý aýdanynda áleýmettіk osal otbasylarǵa;
- Aqtoǵaı aýdanynda zeınetkerlerge, múgedek áıelderge, az qamtylǵan jáne kóp balaly otbasylarǵa;
- Shahtınsk qalasynda múgedek turǵyndar, zeınetkerler, az qamtylǵan otbasylarǵa;
- Prıozersk qalasynda jalǵyz basty zeınetkerlerge;
- Abaıda turmysy tómen jáne kóp balaly otbasylarǵa.
«Sonymen qatar, Qaraǵandy, Prıozersk, sondaı-aq Aqtoǵaı, Buqar jyraý jáne Osakarov aýdandarynda qaıyrymdylyq aktsııalary josparlanǵan. Merekelіk túskі asqa múgedek áıelder, zeınetkerler, sondaı-aq turmysy tómen jáne kóp balaly otbasylaryndaǵy áıelder shaqyrylady. Buqar jyraý jáne Nura aýdandarynda halyqtyń áleýmettіk osal toptarynan shyqqan áıelderge kómіr satyp alýǵa kómek berіledі», - dep málіmdedі Qaraǵandy oblysynyń jumyspen qamtýdy úılestіrý jáne áleýmettіk baǵdarlamalar basqarmasynan.