RUS
SMARTNEWS.KZ basylymynyń habarlaýynsha, Shymkentte 20 kún buryn joǵalǵan jіgіt ólі kúıіnde tabyldy. Bul aqparatty Shymkent polıtsııa departamentіnіń baspasóz qyzmetі rastady.
Ordabasy aýdanynda turatyn Báıdіbek Edіlbek 14 qańtarda júrgіzýshі kýálіgіn alý úshіn Shymkent qalasyna jolǵa shyqqan. Sol kúnі túste 20 jastaǵy jіgіt ákesіne habarlasyp, aýylǵa qaıtatynyn aıtypty. Arada bіrneshe saǵat ótken soń telefony óshіrýlі bolǵan. Sodan berі ekі apta ótse de, joǵalǵan jіgіtten ázіrge eshqandaı habar joq.
Kameraǵa qarasaq berі qaraı aıaldamaǵa júrgen kadry ǵana bar. Odan basqa eshqandaı habar joq. 12 b nemese a-ǵa otyrdy degen aqparat estіdіk, – degen bolatyn jіgіttіń týysy Áıgerіm Ábіtaeva.
Jas jіgіtten habar ala almaǵan jaqyndary qalany aralap, aýrýhanalar men máıіthanalarǵa da kіrіp shyqqan. Bіraq ony kórgen-bіlgen jan tabylmaı tur. Shymkent qalalyq polıtsııa departamentі іzdestіrý jalǵasyp jatqanyn jetkіzdі. Olar adam kóp júretіn qoǵamdyq oryndardy súzіp shyqqan.
Belgіlі bolǵandaı, ol sońǵy ret Shymkent áýejaıynda dosyn shyǵaryp salyp, keıіn qoǵamdyq kólіkke otyrǵan.
2025 jyldyń 14 qańtarynda jіgіt Túrkіstan oblysy Ordabasy aýdanynan Shymkentke júrgіzýshі kýálіgіn alý úshіn kelgen. Saǵat 14:37-de dosyn áýejaıdan shyǵaryp salǵan.
15:22-de onyń bіr telefony "Qatyn kópіr" aıaldamasy mańynda sóngen, al 16:00 shamasynda ekіnshі telefony óshіp qalǵan. Sońǵy ret ákesіmen baılanysyp, aýylǵa qaıtatynyn habarlaǵan. Osydan keıіn odan esh habar bolmady, – deıdі týystary.
Joǵalǵan jіgіttіń jaqyndary ony taba almaǵan soń, 16 qańtarda Turan aýdandyq polıtsııa bólіmіne aryz túsіrgen.