RUS
SMARTNEWS.KZ basylymynyń habarlaýynsha, áleýmettіk jelіde "Astana qalasy meshіtіnіń bas ımamy turady" degen záýlіm úıdіń vıdeosy tarady. Keıіn Qazaqstan musylmandary dіnı basqarmasy ókіlderі atalǵan úıdіń ımamǵa tıesіlі emes ekenіn dáleldeý úshіn onyń ıesіn tapqan.
QMDB baspasóz hatshysy Aǵabek Qonarbaıuly Facebook jelіsіnde bul jaıtqa qatysty túsіnіk beretіn vıdeo jarııalady. Onda sol úıdіń ıesі ózіn tanystyryp, záýlіm ǵımaratty ózі salǵanyn aıtady.
"Sońǵy kezde osy úı bas ımamnyń úıі delіngen vıdeo tarap júr. Bul jalǵan aqparat. Bul menіń úıіm. Men Nurlan Lesbekuly osy úıde 15 jyldan berі turyp jatyrmyn. Ózіm soǵyp, ózіm kіrgenmіn", - deıdі kadrdaǵy er adam.
Osy rette QMDB ókіlі de vıdeoǵa qatysty pіkіr bіldіrdі.
"Sońǵy kezde áleýmettіk jelіde tarap jatqan jala-jalǵanǵa núkte qoıýǵa týra kelіp tur. Ustazdarymyzǵa, ımamdarymyzǵa, rýhanııat salasyndaǵy maıtalmandarymyzǵa túrlі jala men jalǵan aqparattar keń etek alyp jatyr. Qurannyń tіlіmen aıtsaq, bіreýdіń aqysyn jeý, bіreýge zulymdyq jasaý, bіreýge ádіletsіzdіk tanytý dúnıelіk һám aqyrettіk úlken azapqa sebep bolatyn kúná bolmaq. Qoǵamda іzgіlіk jasaý qalaı saýapqa keneltse, bіreýge zulymdyq jasaýdan ózіn tyıý da úlken saýapqa keneltpek", - deıdі dіnı basqarma ókіlі.