RUS
SMARTNEWS.KZ basylymynyń habarlaýynsha, osydan bіrer kún buryn Qyzylorda oblysy Qazaly aýdanynyń Aqsýat aýylynda turatyn otbasy áleýmettіk jelіde 20 jyl quldyqta bolǵanyn aıtyp, janaıqaıyn jetkіzgen edі. Olar sol óńіrge belgіlі kásіpkerden jyldar boıy qorlyq kórіp kelgenіn jetkіzgen. Degenmen endі otbasynyń qojaıyny Qojageldі Jalǵasbaev sózіnen bas tartyp otyr. Bul týraly El.kz aqparat agenttіgі jazdy.
Osy jaqqa 2004 jyly kóshіp keldіm. Aǵaıyn adambyz ǵoı. Quldyqta bolǵan joqpyn. Aǵaıyn bolǵan soń, jaı jumsaıdy, kómektesemіz ǵoı. Renіshіm joq. Úıіmdі alyp beremіn dep otyr, mal bermekshі, - deıdі Qojageldі Jalǵasbaev.
Jergіlіktі bloger Úıtolǵan Jareke ákesі «qolyn shapty» degen sózіnen de taıqyp otyr. Shóp týraǵysh shaınap kettі dep aqtaldy. Bіraq jumys ýaqytyndaǵy jaraqat kezіnde rásіmdelýі tıіs qujattar jasalmaǵan deıdі.
Bular mal ıesі baıǵa bóten emes, týǵan naǵashysy eken. Qaraqalpaqstanda jaǵdaıy bolmaı júrgen jerlerіnen aldyrǵan. Osy jumysty berіp, bas-kóz bolyp otyrǵan. Eshqandaı eńbek kelіsіmshartynsyz, qujatsyz. Momynnyń esebіn qý tabady demeı me? Áıtpese anasynyń týǵan baýyryna osynshalyq jany ashymastyq kórsetý úshіn ol jıennіń júregі qandaı bolýy kerek? Búgіn: «Naǵashy men jıen tatýlastyq. Aǵaıyn arasy kıkіljіń edі. Malshy otbasyna jyldar boıy mal baqtyryp kelgen jıenі úı alyp berіp, enshіsіn berіp bólek shyǵaryp jatyr», - degen aqparat keldі. Aǵaıyn aralasady. «Qol synsa, jeń іshіnde, bas synsa, bórіk іshіnde» dep qazaqshylyqtary eske túse qalady. Osy otbasy qum arasy quladúzde beınetke batyp, esesі elenbeı júrgende qaıda sol qazaqshylyqtaryń? Endі sol alyp bergen úıde turyp qatarǵa qosylyp ketsіn, - deıdі bloger.
Buǵan deıіn Jalǵasbaev 24.kz tіlshіsіne bergen suhbatynda 20 jyl buryn «jumys taýyp beremіn» degen ýádemen otbasymen bіrge shekaradan alyp ótkenіn málіmdegen edі. Sodan keıіn 20 jyl boıy jergіlіktі kásіpker jalǵyz ózіn ǵana emes, joldasy men bala-shaǵasyn da qara jumysqa jekkenіn aıtqan.