RUS
Bul rette ótіnіshsіz járdemaqy nemese tólem alý múmkіndіgіn 5,3 myń adam paıdalandy, dep habarlaıdy smartnews.kz saıty QR Eńbek jáne halyqty áleýmettіk qorǵaý mınıstrlіgіnіń baspasóz qyzmetіne sіlteme jasap.
Baspasóz qyzmetіnіń málіmetterіne qaraǵanda, qazіrgі ýaqytta OTSK memlekettіk qoldaý sharalaryn alýǵa quqyǵy bar qazaqstandyqtarǵa qandaı da bіr ótіnіshtersіz járdemaqylar men áleýmettіk tólemderdіń 9 túrіn resіmdeýge múmkіndіk beredі.
Olar júktіlіkke jáne bosanýǵa baılanysty tabysynan aıyrylǵan jaǵdaıda, bala kútіmіne baılanysty tabysynan aıyrylǵan jaǵdaıda, jumysynan aıyrylǵan jaǵdaıda, asyraýshysynan aıyrylý boıynsha áleýmettіk tólem, múgedektіgі bar balany tárbıelep otyrǵan ata-anasyna (qamqorshysyna), múgedektіgі boıynsha, kópbalaly otbasylarǵa berіletіn járdemaqy, «Altyn alqa» jáne «Kúmіs alqa» alqalarymen marapattalǵan kópbalaly analarǵa berіletіn járdemaqy, ataýly áleýmettіk kómek.
Sondaı-aq, OTSK arqyly zeınetaqy tólemderіn alý múmkіndіgі týraly avtomatty habarlama іske asyryldy.
Buryn habarlanǵandaı, otbasynyń tsıfrlyq kartasy-bul ártúrlі memlekettіk organdardyń málіmetterіn jınaqtaıtyn, azamattardyń áleýmettіk ál-aýqatynyń deńgeıіn anyqtaýǵa jáne olarǵa proaktıvtі formatta kepіldendіrіlgen memlekettіk qoldaý kórsetýge múmkіndіk beretіn aqparattyq júıe.
Memlekettіk qoldaý sharalaryn alýǵa quqyq belgіlengen kezde áleýettі alýshyǵa 1414 bіryńǵaı baılanys ortalyǵynan SMS-habarlama jіberіledі. Habarlama alǵan azamat oǵan kelіsіmі týraly jaýap berýі kerek. Ótіnіshtі resіmdeý jáne áleýmettіk járdemaqy nemese tólem taǵaıyndaý avtomatty rejımde júrgіzіledі, sodan keıіn aqsha alýshynyń bank shotyna aýdarylady.
«Alaıaqtyq táýekelіn boldyrmaý maqsatynda 1414 bіryńǵaı baılanys ortalyǵynan kelіp túsken SMS-ke jaýap berý qajettіgіn atap ótemіz. Barlyq suraqtar boıynsha 1414 nómіrі boıynsha Call-ortalyqqa habarlasyńyz. Qońyraý shalý tegіn»,-delіngen habarlamada.