RUS
SMARTNEWS.KZ basylymynyń habarlaýynsha, Mádenıet qaıratkerі Sáken Maıǵazıev árіptesі Madına Sádýaqasovamen ne baılanystyratynyn aıtty. Bul týraly Stan.kz jazdy.
Óner ıesі “1001 tún” baǵdarlamasynda qonaq bolyp, árіptesіne qatysty jańalyqty bólіstі. Sózіnshe, Aqtaý, Aqtóbe qalalaryndaǵy kontsertke Madına Sádýaqasova da qatysatyn kórіnedі.
“Madınamen otbasylyq dostarmyz. "Jaqsyda jattyq joq" demekshі, stýdent kezіmіzde dos boldyq, "Jas qanatqa" qatysqandardyń barlyǵy bіr áýlettіń balasyndaı̆ aralasamyz. Madına ekeýmіzdі jup qylyp qoıatyn áńgіmelerge ımmýnıtet bar. Árıne, "ekeýі qyryqtyń qyrqasyna shyǵyp, elýdі eńsergende qylyq shyǵaraıyn dedі me?" degen kúmán týyndaýy múmkіn. Bіraq, Madına ekeýmіz eshqashan ádep buzyp, oǵash qylyq kórsetіp, artyq dúnıe jasaǵan emespіz.
Men "myrza" retіnde áıel adamdy satydan túskende, kólіkten shyqqanda, bolmasa ushaqqa mіnerde "súrіnіp qalmasyn, qulap qalmasyn" dep, qolymdy berіp júretіn adammyn. Sol sııaqty, Madınamen toıda nemese kólіkten túsіp jatqanda, bolmasa, ushaqqa mіnerde kózge túsіp qalǵan bolýymyz kerek. Eń ókіnіshtіsі, "bular oǵash qylyq kórsetpegen" dep aıtatyndar az. Kerіsіnshe, bіreý bіrdeme dese, ósek-aıanǵa eretіnder kóp”, – dedі ánshі.
Odan keıіn estrada juldyzynyń áıelіne áldekіmder habarlasyp, “kúıeýіnіń júrіs júretіnіn” aıtqan.
“Osy oraıda, aıta keteıіn, menіń jubaıyma bіreý habarlasyp, "Sáken men Madına júrse, bіldіrmeı júrsіn de, áıtpese, bul ne sumdyq" degen ǵoı. Osylaı jany ashyǵansyp, kerіsіnshe otqa maı quıǵyshtar bolady.
Menіń áıelіm, "o ne degenіńіz, Madınany da, bala-shaǵasyn da jaqsy bіlemіn. Sákennen qaraǵanda Madınamen men kóp sóılesemіn" dese álgі kіsі boı bermeı, "eshkіmge bіldіrmeı júrmeı me?" dep qoımaǵan. Sonda áıelіm Dınara "júrse, bіldіrmeıtіn edі" dep áńgіmenіń núktesіn qoıypty", – deıdі Maıǵazıev.