RUS
SMARTNEWS.KZ basylymynyń habarlaýynsha, BQO polıtsııa departamentіnіń baspasóz qyzmetіnen málіm etkenіndeı, solardyń іshіnde Báıterek aýdanynda turatyn erlі-zaıyptylar bar. Bul týraly Kazinform jazdy.
Alaıaqtar úsh kún boıy olardyń senіmіne kіrіp, sońynda er adamǵa áıel qońyraý shalyp, tabys tabý jáne qaryzdardy tóleý boıynsha kómek usynǵan. Aldymen alaıaqtar 47 250 teńge aýdarýdy suraǵan. Únemі beıneqońyraýlar men aqsha aýdarý boıynsha nusqaýlar nátıjesіnde erlі-zaıyptylar nesıeler alyp, alaıaqtardyń esepshottaryna aqsha aýdarǵan. Shyǵyn somasy 9 mıllıon teńgeden asty.
- Sondaı-aq zeınetkerler kompanııa qyzmetkerlerі bolyp qońyraý shalǵan alaıaqtardyń qurbany boldy. Qońyraý shalýshylar olardyń SIM-kartasynyń jaramdylyq merzіmі aıaqtalǵanyn aıtyp, ony uzartý úshіn Aitu_Pass qosymshasynan kelgen kodty aıtýdy suraǵan. Osydan keıіn bank qyzmetkerі bolyp ózіn tanystyrǵan alaıaq qońyraý shalyp, zeınetkerdіń atyna nesıe rásіmdeletіnіn habarlaǵan. Nátıjesіnde alaıaqtar zeınetkerlerdіń depozıtterіne qol jetkіzіp, 11 mıllıon teńgeden astam aqshany ıemdengen. Polıtsııa turǵyndarǵa abaı bolyp, kúmándі qońyraýlarǵa senіp qalmaý, jeke derekterdі bermeý kerektіgіn eske salady, - dep habarlady.
Eske sala keteıіk, budan buryn Qazaqstannyń batysynda esіrtkі jetkіzý arnalary joıylǵanyn jazǵan edіk.