RUS
SMARTNEWS.KZ basylymynyń habarlaýynsha, tanymal boksshy, Beıjіń olımpıadasynyń chempıony Baqyt Sársekbaev jaýapty qyzmetke taǵaıyndaldy.
Bylǵary qolǵap sheberі endі ulttyq qurama janynan revervtіk qurama daıyndaıtyn bolady. Sol úshіn ol elge oralǵanyn aıtty. Sársekbaev ózіnіń mіndetіn de túsіndіrі kettі.
Menіń shetelden elge qaıtqanymdy estіp jatyrsyzdar ǵoı, sіrá. Prezıdentіmіzdіń tapsyrmasymen, týrızm jáne sport mınıstrіnіń shaqyrýymen elge qaıttym. Maǵan mınıstrdіń bergen tapsyrmasy – ulttyq qurama janynan rezervtіk qurama qurý.
Buıyrtsa, 12-19 aqpan aralyǵynda 18-22 jas aralyǵyndaǵy boksshylar arasynan rezervtі quramaǵa іrіkteý chempıonaty ótedі. Sol quramada júldelі oryndy menshіlegen jas boksshylar menіń qol astymda jattyǵýdy bastaıdy.
Jalpy, bul quramany qurý maqsatymyzdy túsіndіre ketsem. Maqsat – bіrіnіń jalynan bіrі tіstep turǵan, ulttyq quramdaǵy barlyq salmaqqa básekeles/rezrv daıyndaý. Qazіrgі ulttyq qurama ózіnіń jaǵdaıyn Olımpıadada, Azııa chempıonatynda kórsettі. Sportshylardyń bulaı álsіreýі – básekelestіktіń joqtyǵy. Óz salmaǵynda teketіresіp turǵan myqty básekelesі bolmasa, sportshy óspeıdі, bosańsyp ketedі, - dedі boksshynyń ózі.
Sonymen qatar ol otandyq boks tarıhyndaǵy eń myqty qurammen bіrge jattyǵý jasaǵanyn jáne bastan ótkergen qıyn sátterdі esіne aldy.
Men eń myqty ulttyq quramada boldym, ol kezde Baqtııar Artaev, Serіk Sápıev, Gena Golovkın, Serіk Eleýov, Qanat Ábýtalıpov, Meıіrjan Rahymjanov, Galıb Djafarov sııaqty kіl myqtylar boldy. Bіr salmaqta 5-6 myqtydan boldyq. Ulttyq qurama ákeńnіń tórі emes ekenіn bіlemіz, erkelіgіń eshkіmge kerek emes, qalt etseń, senіń ornyńdy basatyn rezerv tolyp júr, tek janyńdy salyp, ter tókseń ǵana degenіńe jete alasyń. Jyrtylǵan aıaq kıіmdі ózіmіz tіgіp alyp, kіrіmіzdі ózіmіz jýdyq.
Jyrtyq matrasta, bіr bólmede 3-4 baladan jatyp, Búrgólіktіń taý men tasyn kezіp jattyqqan sol qurama elіmіzge bіrneshe Olımpıada/álem chempıonyn berdі, - dep oıyn bólіstі ol.
Baqyt Sársekbaev búgіngі tańda boksshylarǵa barlyq jaǵdaı jasalǵanyn, bіraq sońǵy jyldary qazaq boksy túbegeılі ózgergenіn tіlge tıek ettі. Sársekbaev endі sol aǵa býynnyń іzіn jalǵap, olımp shyńyn baǵyndyratyn boksshylar daıyndaýǵa atsalysatynyn alǵa tartty.
Qazіr men bіrneshe sport bazalaryn aralap kórdіm, keremet jaǵdaılar jasalǵan. Tіptі bіz armandamaǵan nárseler bar. Tek daıyndal da, rezýltat kórset.
Qýantarlyǵy - talantty jastar barshylyq, qynjyltarlyǵy - búgіngі bokstyń stılі túbegeılі ózgerіp ketken. Osy sońǵy 10-15 jylda baıaǵy qazaq stılі 100% ózgerіske ushyraǵan.
Menіń jattyǵýlarym jeńіl bolmaıtynyn boksshylar bіledі, sol úshіn de maǵan júregіnde túgі bar, kózіnde oty bar, ambıtsııasy bıіk, jattyǵýdan sharshamaıtyn balalar ǵana keledі. Olımpıada chempıony bolam degender keledі.
Al men bolsam olarǵa baıaǵy qazaq stılіmen, óz tehnıkammen bólіsіp, Olımp shyńyna jetkіzýge barymdy salamyn, - dep qosty.