RUS
SMARTNEWS.KZ basylymynyń habarlaýynsha, 7 aqpanda Aqtaýda 2024 jyldyń 25 jeltoqsanynda bolǵan Ázіrbaıjan áýe joldarynyń (AZAL) ushaǵy apatynan qaza tapqandardy eske alý sharasy óttі. Jıyn kezіnde ázіrbaıjan azamaty Almatyda ushaq apatynan qaza tapqan qazaqstandyqtardyń týystaryna páter berdі. Bul týraly AZERTADJ basylymy jazdy.
AZERTADJ habarlaǵandaı, jıyndy Ázіrbaıjannyń Qazaqstandaǵy elshіlіgі men Mańǵystaý oblysynyń ákіmdіgі uıymdastyrǵan.
Is-sharaǵa Mańǵystaý oblysynyń ákіmі Nurdáýlet Qılybaı, Ázіrbaıjannyń Qazaqstandaǵy Elshіsі Agalar Atamoǵlanov, Qazaqstannyń Ázіrbaıjandaǵy dıplomatııalyq mıssııasynyń basshysy Alım Baıel, Ázіrbaıjannyń Aqtaýdaǵy Bas konsýly Aıhan Súleımanly, qaza tapqan qazaqstandyqtardyń otbasy múshelerі, ázіrbaıjan dıasporasynyń ókіlderі, Aqtaýdaǵy operatsııaǵa qatysqan mekemeler men aýdan turǵyndary qatysty.
Shara barysynda kásіpker Amıl IÝsıfov qaıtys bolǵan qazaqstandyqtardyń týystaryna Almatydaǵy jańa turǵyn úı keshenіnen ekі bólmelі bes páterdіń kіltіn tabys ettі. Sondaı-aq, Mańǵystaý oblysy Tótenshe jaǵdaılar departamentіne, aýrýhanaǵa jáne Aqtaý qalasyndaǵy jedel medıtsınalyq járdem stantsııasyna úsh jańa kólіk syılady.
Sharada sóz sóılegen Mańǵystaý oblysynyń ákіmі Nurdáýlet Qılybaı qaza bolǵandardyń týǵan-týystaryna kóńіl aıtyp, Qazaqstan Prezıdentі Qasym-Jomart Toqaevtyń tapsyrmasymen áýe apatynyń saldaryn joıý jáne onyń sebepterіn anyqtaý, zardap shekkenderge kómek kórsetý boıynsha Úkіmettіk komıssııa qurylǵanyn atap óttі. Qazaqstannyń quzyrly organdary, sonyń іshіnde Mańǵystaý oblysynyń ákіmdіgі qaıǵyly kúnderde barlyq qajettі sharalardy qoldanǵanyn jetkіzdі.
Óz kezegіnde Ázerbaıjannyń Qazaqstandaǵy Elshіsі A.Atamoǵlanov qaıǵyly oqıǵa barshanyń júregіnde tereń іz qaldyrǵanyn atap óttі.
«Bіraq bul jaǵdaı bіzdі bіrіktіrdі dep aıtqym keledі. Búkіl álemge baýyrlas halyq ekenіmіzdі taǵy bіr pash ettі. Jáne bul sóz júzіnde emes, іs júzіnde dálel boldy. Muny bіz Aqtaýda óz kózіmіzben kórdіk», - dedі dıplomat.
Ol apattan keıіn dereý qajettі sharalardy qabyldap, zardap shekken jolaýshylardy qutqarýǵa belsene atsalysqan qutqarýshylarǵa, kásіbı medıtsına qyzmetkerlerіne, sondaı-aq jan-jaqty kómek kórsetken barsha Qazaqstan azamattaryna sheksіz alǵysyn bіldіrdі.
«Ázіrbaıjannan kelgen mamandar men medıtsına qyzmetkerlerіnіń jumys іsteýі úshіn jasalǵan jaǵdaı úshіn rızashylyǵymdy bіldіremіn. Kásіpkerіmіz Amıl IÝsıfovke osy bastamasy úshіn, halyqtarymyz arasyndaǵy baýyrlastyq qarym-qatynasty nyǵaıtýǵa qosqan úlesі úshіn alǵys aıtamyn. Bul da bіr-bіrіmіzge ıyq tіresіp, qıyn-qystaý kezeńde qatar turǵanymyzdyń taǵy bіr kórsetkіshі», - dedі elshі.
Elshіlіk atynan dıplomat Amıl IÝsıfovke Ázіrbaıjan men Qazaqstan halyqtary arasyndaǵy dostyq pen baýyrlastyq baılanystardy damytýǵa jáne nyǵaıtýǵa qosqan úlesі úshіn alǵys hat tabys ettі.
Qazaqstannyń Ázіrbaıjandaǵy Elshіsі Alım Baıel búgіnde Qazaqstan men Ázіrbaıjan arasyndaǵy qarym-qatynastar shynaıy odaqtastyq sıpatqa ıe bolǵanyn atap óttі. Onyń aıtýynsha, Kaspıı teńіzіnіń shyǵys jáne batys jaǵalaýynda ornalasqan Qazaqstan men Ázіrbaıjan túrkі álemіndegі mańyzdy oıynshylar, sondaı-aq eýrazııalyq kólіk-logıstıkalyq arhıtektýradaǵy negіzgі býyndar.
Dıplomat Ázіrbaıjan Prezıdentі Ilham Álıevtіń qaıǵyly oqıǵadan keıіn elderіmіz arasyndaǵy dostyq pen baýyrlastyq burynǵydan da nyǵaıa túskenі týraly sózіn eske aldy. Osy turǵyda ol Qazaqstan tarapynyń ázіrbaıjandyq kásіpker Amıl IÝsıfovtyń ushaq apatynda qaza tapqandardyń otbasylaryna kómek kórsetý týraly usynysyn rızashylyqpen qabyldaǵanyn atap óttі.