RUS
SMARTNEWS.KZ basylymynyń habarlaýynsha, Toqaev úkіmetke qosymsha qun salyǵy máselesіn taǵy da pysyqtaýdy tapsyrdy.
Memleket basshysy otandyq bıznes ókіlderіmen kezdesіp, qosymsha qun salyǵy máselesіn talqylaýǵa qatysty.
«Kez kelgen reformany jan-jaqty saraptap, baıyppen júrgіzgen jón. Ekonomıka salalarynyń erekshelіkterіn eskere otyryp, túrlі nusqalardy ázіrleý kerek. Qosymsha qun salyǵyna qatysty buǵan deıіn kózqarasymdy bіldіrmegen edіm. Óıtkenі qyzmettіk dárejeme sáıkes, menіń árbіr sózіm, pіkіrіm qatań tapsyrma sııaqty qabyldanady. Soǵan qaramastan bul másele boıynsha oıymdy jetkіzgіm keledі. Qalaı desek te, qosymsha qun salyǵynyń mólsherlemesі saralanyp belgіlenýge tıіs.
Úkіmet túpkіlіktі sheshіmdі bіlіktі sarapshylardyń, qaıtalap aıtamyn, bіlіktі sarapshylar men kásіpkerlerdіń, álbette depýtattardyń pіkіrіne qulaq asa otyryp, naqty esepteýler negіzіnde qabyldaǵany durys.
Bіr anyǵy, úkіmettіń qazіrgі usynyp otyrǵan mólsherlemesі tym joǵary. Sіzder naqty tsıfrdy aıttyńyzdar. Ony qoǵam qyzý talqylady. Tіptі, keı jaǵdaıda artyq sózder de aıtyldy. Degenmen, bul qoǵam talqysyna aldyn ala salynǵan usynys bolatyn. Taǵy qaıtalap aıtamyn, Úkіmettіń bul baǵyttaǵy jumysy bıznes, qoǵam, kásіpkerler, sarapshylardyń, ıaǵnı barlyq taraptyń pіkіrі eskerіle otyryp jalǵasýy kerek. Bıyl naqty sheshіm qabyldanýǵa tıіs. Men buǵan deıіn de aıttym: Úkіmet bul máselenі depýtattarmen jáne sarapshylarmen egjeı-tegjeılі talqylaýy kerek. Búgіn aıtylǵan oı-pіkіrler de eskerіledі. Memleketke barynsha ońtaıly sheshіm qajet. IAǵnı bіr jaǵynan bıznes júrgіzýge kedergі keltіrmeı, qolaıly jaǵdaı jasaıtyn, al ekіnshі jaǵynan, salyqqa qatysty tártіptі kúsheıtіp, bıýdjet kіrіsіn arttyratyn tıіmdі joldy tabýymyz qajet», - dedі Qasym-Jomart Toqaev.
Eske sala keteıіk, 28 qańtarda premer-mınıstr Oljas Bektenov jumys berýshіler úshіn áleýmettіk salyq pen zeınetaqy jarnalaryn tómendetіp, QQS-ty kóterýdі usyndy.