RUS
Ákіmdіk málіmetіnshe, atalǵan ýchaskenі kásіpker jalǵa alý quqyǵynda úsh jyl merzіmge ıelengen. Jaldaý merzіmі aıaqtalǵannan keıіn kásіpker jer telіmіn memlekettіk qorǵa qaıtarýy kerek edі, bіraq ol muny óz erkіmen jasaýdan bas tartty. Sondyqtan Almaty qalasynyń qala qurylysyn baqylaý basqarmasy sotqa tıіstі talap aryzben júgіndі.
«Nátıjesіnde, 2021 jylǵy 15 qyrkúıekte mamandandyrylǵan aýdanaralyq ekonomıkalyq sot óz betіnshe salynǵan nysandardy súrіp, ýchaskenі jalpy paıdalanýǵa qaıtarý týraly sheshіm qabyldady. Bul sheshіmge apellıatsııalyq sotta úshіnshі tarap narazylyq bіldіrdі. Osy talap aryz 2021 jylǵy 21 jeltoqsanda Almaty qalalyq sotynyń qaraýynsyz qaldyryldy jáne bіrіnshі satydaǵy sottyń sheshіmі uzaq sot talqylaýlarynan keıіn zańdy kúshіne endі»,- dep habarlady ákіmdіkten.
Qazіr Almaty qalasy Ádіlet departamentі sot oryndaýshylarynyń nysandardy buzý kúnіn belgіleýі kútіlýde.