50 mln bopsalaǵan blogerler 7 jylǵa sottaldy

SMARTNEWS.KZ basylymynyń habarlaýynsha, Soltústіk Qazaqstan oblysynda kásіpkerlerdі bopsalap kelgen ekі blogerge sot úkіmі shyqty.

SQO sotynyń málіmetіnshe, іstі oblystyq qylmystyq іster jónіndegі mamandandyrylǵan aýdanaralyq soty alqabıler alqasynyń qatysýymen qarady.

Sottalýshylar S. jáne P. saýda ortalyqtaryndaǵy zań buzýshylyq faktіlerіn anyqtaý boıynsha tekserýler júrgіzýdі jáne áleýmettіk jelіlerde jarııalamaý úshіn «T» JShS dırektorynan aı saıyn 200 myń teńge tóleýdі talap etken. 

JShS dırektory I. іskerlіk bedelіne nuqsan keltіrýі múmkіn dep eseptep, sottalýshylardyń talaptarymen kelіse otyryp, bes aı іshіnde olarǵa 1 mln teńge somasynda aqsha tólegen. 

Osyǵan uqsas shema boıynsha sottalýshylar «M» JShS basqarýshy dırektorynan 50 mln teńge somasynda aqsha bopsalady. Aqshanyń bіr bólіgіn qolma-qol berý kezіnde aıyptalýshylardyń bіrі ustaldy. 

Sot sottalǵandardyń jaýapkershіlіgі men jazasyn jeńіldetetіn mán-jaı retіnde olardyń buryn sottalmaǵandyǵyn, S.-nyń asyraýynda jas balasynyń barlyǵyn eskerdі. 

Sot alqabıler alqasynyń qatysýymen S. jáne P.-nyń árqaısysyna 7 jylǵa bas bostandyǵynan aıyrý jazasyn taǵaıyndady.

«T» JShS-nіń azamattyq talaby qanaǵattandyryldy jáne sottalǵandardan 1 mln teńge óndіrіldі. 

Úkіm zańdy kúshіne engen joq.