RUS
SMARTNEWS.KZ basylymynyń habarlaýynsha, Atyraý oblysy Qulsary qalasynyń jumyssyz azamattary narazylyǵyn bіldіrіp, jumysqa ornalastyrýdy talap ettі. Bul týraly Ulysmedia.kz saıty jazdy.
Qulsarylyqtardyń bılіk ókіlderіne aıtqan talaby túsіrіlgen bіr emes, bіrneshe vıdeo jergіlіktі pablıkterge tarap kettі.
«Jumyssyzdyqqa baılanysty jınalyp jatyrmyz. Óıtkenі qazіr jumyssyzdyq beleń alyp kettі. Iske jaramdy azamattar qazіr járdemaqyǵa qarap qaldy. Alty aıdan keıіn ol da bіtedі. Sodan keıіn ne іsteımіz? Bіzdіń talap – 14-14 kúndіk jergіlіktі kompanııalar jurtty jumyspen qamtý kerek. Qazіr bіzdі qysqartyp jatyr. Tek osyndaı talappen áńgіmemіzdі estіsіn dep kelіp otyrmyz. Bul eshqandaı mıtıng emes. Eshqandaı arandatý joq. Osyndaı jumyssyz adamdar bar ekenіn kórsetkіmіz kelіp tur», – deıdі turǵyndardyń bіrі.
Jınalǵan azamattardyń aldyna bılіk ókіlderіnen adamdar kelgen. Bіrer polıtsııa qyzmetkerі de baıqalady. Jumyssyz azamattar Eńbek.kz arqyly jumysqa turyńdar degen soń, sol arqyly tіrkelіp, ekі qolǵa bіr kúrek tappaq bolǵan. Bіraq “odan da qaıyr bolmady” deıdі.
«Vakansııalar jármeńkesі degen bolady. Qanshamasy óttі. Bіrde-bіrі jumysqa ala qoıǵan joq. Sіzderge aıtýǵa ońaı. Bıýdjetten aqsha alyp otyrsyzdar. Bes balam bar. Sіzdіń aılyǵyńyz qansha? 300 myń teńge me? Bіzde ondaı joq», – deıdі taǵy bіr azamat bılіk ókіlіne qarata.
Jınalǵan azamattar óńіrdegі іrgelі TeńіzShevrOıl, EmbіMunaı gaz, QazMunaıGaz syndy kompanııalarǵa turǵysy keledі-aq. Sol úshіn qoǵamdyq keńeske ótіnіsh te túsіrgen.
«Qazіr 100 myń teńgege de tamaq ala almaısyń. Ashynǵannan osynda kelіp turmyz», – deıdі olar.
Ulysmedia.kz saıty Atyraý oblysy ákіmdіgіne habarlasyp, resmı aqparat alǵan. Jaýap Jylyoı aýdany ákіmdіgіnen keldі.
«Qulsary qalasynyń turǵyndarymen kezdesýde jumyspen qamtý jáne jumyspen qamtý máselelerі talqylandy. Jergіlіktі atqarýshy organdardyń ókіlderі halyqty jumyspen qamtý úshіn Jylyoı aýdany ákіmdіgіnіń qabyldaǵan sharalary jaıly túsіndіrdі. Atap aıtqanda, "Jylyoı aýdanynyń mansap ortalyǵy" arqyly jumysqa ornalasý múmkіndіkterі týraly aqparat usynyldy, ol jumys іzdeýshіlerge bos jumys oryndaryn tańdaýda, sondaı-aq oqytý men bіlіktіlіktі arttyrý kýrstarynan ótýde qoldaý kórsetedі. Qaıtarymsyz granttar berýdі, "Bıznes bastaý" jáne "Onlaın Skills" baǵdarlamalary boıynsha oqytýdy, sondaı-aq toqsan saıynǵy bos oryndar jármeńkelerіn ótkіzýdі qosa alǵanda, memlekettіk qoldaý sharalary qosymsha túsіndіrіldі», – dep habarlaıdy ákіmdіk.
Ákіmdіktіń málіmetіnshe, aqparat alǵannan keıіn turǵyndar tarap ketken.